ذبني يا سيار

عبد صبري ابو ربيع

الحوار المتمدن-العدد: 5585 - 2017 / 7 / 19 - 13:09
المحور: الادب والفن
    

ذبني يا سيار
عبد صبري ابو ربيع
ذبني يا سيار الوگت غدار
شوف الجره وشوف الصار
تره الگمر عشتار
والهوى با يگني
محيرني ومدوخني
دم لو دمع بالگلب أنهار
يمضيعين الولف
ولفي بالاهوار
سومري وكصيبته
گصب أهوار
ذبني يا سيار
حلوين المعاني ناموا بالأحجار
خضر عليهم ورد أحمر
معطر بالأزهار
ذبني يا سيار
الحزن بحشاي ينطار
ذبني عليهم يا سيار
موعود بليل الگمر سُمار
عشگي عشك النخل للجمار
ذبني والگمر عشتار
والتراب ترابي
أخاف الوطن ينهار
وأصيرن للعدو سوله
والوطن مشتعل نار
مفطوم عله الرصاص
أبن الفاله والمگوار
ذبني يا سيار
ذبني أريدن منهم
أخوة يصيرون
لا للعده يمسون
والدار تنهار
يشمت بينه كل حاقد وغدار
بسمار أدگ
بحلگ العدو بسمار
ذبني يا سيار
هذا الگمر عشتار
حبيب الگلب
حبيب الروح والدار
عشتار يكفي بعد
دمعي والجره صار
مصيبتنه مصيبه
والزمن دوار
عيونه ذهب والحجي أسحار
شهيد ويشيلونه ألف زوار
هلاهل بجفوف الحلو تذكار
أريدن أخوة يصيرون
حتى الدار لا تنهار يا سيار

#عبد_صبري_ابو_ربيع (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل