زيارة ل الله

سمر محسن

الحوار المتمدن-العدد: 5493 - 2017 / 4 / 16 - 21:23
المحور: العلمانية، الدين السياسي ونقد الفكر الديني
    

_هلووووو الله.
_أهووو هاي هم إنتي.
_هسه فوگ ما أونسك وأزورك ضال لوحدك لا ولد ولا تلد ولا مرة تسلي وحشتك.
_ما أحتاج أحد انا كيان قائم بذاته.
_اي صندحيح، أشوفك خلقتنا وراح تموت بس علمود نعترف بيك وتحس بقيمتك شوية ،، شمالك يحظي هسه لو مسويلك الله أنثى ومجرب الحب مو جان أحسنلك ،، يوميا مسويلك فيضان وبركان وزلازل وأجنة مشوهة ومدري شنو بس حتى تفرغ هالعصبية،، صدگني تره هاي كلها تستستيرون مكبوت وهايج ومحتاج ونيس.
_شوفي المرة السابقة سكتت عنج،، هالمرة صدگ بديت أفور وتعرفيني لو فرت شصير.
_شتصير؟ قوري چاي؟ ديلا عاد لا يطگلك عرگ،، لو بيك خير ما طلبت من عبيدك يدافعون عنك ويقتلون بأسمك ويلعنون اللي يكفر بيك چان گدرت إنت تدافع عن روحك،، هاي صارلي خمس سنين من طيزتك وحياتي من أحسن لأحسن ولك حتى أم علي الملاية عندها حوبة أحسن منك!
_عبادي يدافعون عني لإن يحبوني تره.
_إيبااااااه لعد وآيات الترهيب والحرگ والشوي هاي فواصل إعلانية؟ بابا إنت لو يخافون منك لو يتقربولك وقت الإمتحانات ووقت الشدة والمرض ،، يعني وقت المصالح ،، غير شي محد يعبرك ،، هذا يا حب ع گولة مطربنا أبو خشم.
_هسه إنتي شرايدة؟
_كف خرفانك عني ترة من زمان ناسيتك وما نازلة هلگد عليك لإن ملتهية بحياتي،، ترة هم نصير قواري چاي إحنا ونفور مو عبالك،، بس چاينا لبتون بالنعناع مو مثل چايك بطعم بول البعير.
_وصل حدي وياج،،، جبريل،،، ولك جبررررررريل.
جبريل يركض ويعدل بجناحاته المطعوجات من النوم من يوم نزل على محمد ولصمها الآخ وگال آنا خاتم الأنبياء وخللى المسكين عاطل عن العمل : ها مولاي ها ؟؟؟
_وين عصاتي السحرية أريد أسخط هاي الملعونة؟
جبريل: يا عصا مولاي شبيك؟ شكم مرة گتلك لا تتفرج هواي أفلام،، هاي كله تأثير هاري بوتر الأخير.
الله بصوت ناصي: ولك نصي صوتك لا تفشلنا،، شنو يا عصا،، دجيبلي أي گصبة من الحديقة بس خللي أخوفها متشوفها شلون صلفة وما دترهب مني راح تخرب سمعتي بين عبادي ويتركون أدياني.
جبريل متململاً: افففف خوش والله ذبحتنا بأديانك العشرطعش إللي نفسك متعرف منو الصح والغلط بيهن ،، رايح رايح،، هاي دومنا إحنا نركض بسوالف الجهال مالتك.
الله يخشن صوته ويعدل گعدته: لا تدرم هوايه ويلااا بسرعة جيب عصاتي.

انا: تره أصواتكم جانت عالية وسمعت حجيكم،، دصيحه للولد لا تتعبه يدورلك ع عصا وكافي يلا اليوم أنقهرت عليك إنت بلا سمعة يعفطولك،، اوگف لحظة اطلعلك صورة چلب بالنت واحطله شعر بنية بالفوتوشوب واحول نصه الجواني حية وخللي عبادك ينشرونها ويگولون هاي صورتي بعد ما غلطت عليك حفاظا ع مي وجهك،،، فيمالا.
_ها وين؟
_وراي حياة قابل فارغة وتافهة مثلك!

#سمر_محسن (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل