مال الصين ومالنا

محمود فنون

الحوار المتمدن-العدد: 5452 - 2017 / 3 / 6 - 14:00
المحور: اليسار , التحرر , والقوى الانسانية في العالم
    

مال الصين ومالنا

دعت الصين الدول العربية لمعالجة قضاياهم بانفسهم!!!
يانفسهم يا فسقة؟
والصين بتفكر احنا مش فاهمين، طيب هي بتغمز على صديكتنا اميركا ،والله إحنا بنفهم وبنلقطها وهي طايرة ،الصين جاية تضحك علينا مهي حاسديتنا. الصين مش افهم من قطر . قطر ادرى بمصالحنا إحنا العرب ،الصين من وين لوين تمنها تفتي بماصلحنا .إحنا مجهزين بكل شي :عندنا قرضاوي بفتينا وبسهل الامر الرباني على الحكام زيً ماهم عايزين. معندهمش قرضاوي .
عندنا سمو الامير في قطر واسمه حمد .. معندهمش سمو امير ومعندهمش اسم حمد.
اصلا الصين بحالها معندهاش بترول ولا غاز. أصلا ما عندهم اسم حمد. عندهم سلفيين؟؟ لا ما عندهمش سلفيين تابعين السياسة السعودية التابعة للشيخ الاكبر امريكا . طيب الصين اذناب لأمريكا؟؟ ..لأ.حكامنا اذناب لأمريكا ! وكمان حزب الصين مش ذنب لأمريكا .إحنا معظم احزابنا بتقبض من امريكا وانصار امريكا . طيب يا حفيظ العمر والسلامة سؤال :ملك البحرين عندنا ما شاء الله ويخزي العين ناصح طيب ملكو ناصح ؟ والله ملك البحرين بقطع كد اربعة من ملكو .اي زوقو اشوية ابتدخلوا في اللي ما الكو فيه. .
سايق عليكوا الله وكتبه ورسله لا تعترضوا طريق اخوانا الاميركان ،انتو وروسيا . يا عمي احنا بدنا امريكا تيجي وتتدخل وتحل مشاكلها قصدي مشاكلنا . شو يعني اذا ظربتلها اكام الف صاروخ تتكسر الروس القاسية. طيب انا بدي احاول افهمكوا شو الطبخة بلكي بتفهموا بالاحسان :
سوريا خشت في القرن العشرين .طيب قطر والخليج اسّعان في القرن التسعطعش ! كل واحد ماشي لحاله . طيب انتا بترظاها كل واحد يروح على العزا لحاله ؟ .ويروح على الميتم لحاله ؟.انروح مفرقين ؟؟ ليش ما نرجع كلنا على القرن التسعطعش ونمشي مع بعظنا . طيب مش ابهج كدام الناس؟
جاه الله عليكو انتو وروسيا اسوق عليكو الله لا تعترظوا طريق الاسلام. طيب انتو كفار وشوعية! وروسية اسّعان امبيرح كانوا كفار وشوعية! إحنا اسلام ادرى بمصلحة امريكا قصدي بمصلحتنا . وبنعرف" وين انروح ببزاقتنا " والله عمرا ما طلع منكوا في الصين غانمة . جايين تفهمونا مصلحتنا؟ .
بدكوا تكسفوا هالزلمة مشوهر تيصير رئيس . والله وحتان اسمة غليون. وما عمري شفت معاه غليون . خلي يفرح له يومين وشو يعني يموت ميتين الف وتدمر البلاد ما احنا قالت انا امريكا انو اللي بنكسر بتصلح.
الله يعمي بصركوا الله يعمي بصركوا عنا وما تقدروا توخذوا فيتوا بلكن تيجي امريكا وفي شهرين تخلص هالقصة زي ما خلصوها في ليبيا . في ليبيا بس شهرين اميركا خلصت على الموضوع بينما القذافي كما قال واحد : قعد يقتل فيهم اكثر من اربعين سنه. اي وجع ساعة ولا كل ساعة . اللهم احمي امريكا .اللهم احمي انصار امريكا . اللهم استر على عملا امريكا وعلى كل العملا اللي اليوم بأيدوا امريكا وتدخل امريكا وبطالبو انّ اميركا تيجي وتفتح الطريق لمقاولة جديدة . بلكن على الله نقدر انحط امير منا وفينا ويكبا فهمان ويخللي اميركا اتظل مبسوطة منه ومنّا.اللهم نور قلب اميركا بالايمان اللهم ولجهم إلنّا منشان يساعدونا نحط امير ونرفع الراية من شان انروح نحرر .. انحرر؟! وين..؟والله لساني بدا قطع ..شو هاذي اللي نحرر. اليوم بنقولش انحرر خوف اميركا واسرائيل يزعلوا منا.
ويصير خليفة المؤمنين في عهد السلاجقة والاتراك مشغول في اي اشي في الكيف والسيف والهيف. ويظل قاعد يقرا قرآن من شان الله يغفرلة انّ بشتغل خدام عند العدويين , ومن شان يتلاها عن الذّل اللي هو فيه . يا عمي ان فتح ثما بخنقوا بوسادة زي ما سوو في عمر بن عبد العزيز رحمة الله عليه. على كل حال برجع مرجوعنا
للصين وروسيا الله يعمي بصرهم عنا منشان نعرف اندبر اميركا بلكن تيجي وتفظ هالطابق.

#محمود_فنون (هاشتاغ)      

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل