وافيق

سليمان الهواري

الحوار المتمدن-العدد: 5330 - 2016 / 11 / 1 - 18:10
المحور: الادب والفن
    

وافيق
موحسين قتلوه قطاعين الطريق
ياك المغاربة غي اوباش
قالها باه
علاش يعيشو كاع علاش
هو قادر يقتل الثولثاين
و الثولوث كافيه
باش يريش بوهوم ترياش
موحسين طحنوه طحين
شكون يقدر يسول كيفاش
قاليك
صيفطو لجنة تحقيق
قالها مول الفيرمة
و هو داير من بلاد ل بلاد
ل جوزور الموزامبيق
صيفط شاف الشيوخة و المقدمية
سماه وزير داخلية
و كيف عادة الحلايقية
خناشي سكار و زيت
غبرة دردرها على ولاد العفريت
ها الحسيمة بردات
و ها نتا طفيتي الحريق
وافيق
موحسين قتلتوه
مع سردينو طحنتوه
مع زبلكوم درتوه كفتة شرملتوه
الله ياخد فيكوم الحق يا بلاد الطرطيق
وافيق
قاليك لجنة تحقيق
و طلع وهبط كلام هنا كلام لهيه
سياسة تاحراميات هادا حكام التخربيق
وافيق
طلعتو لينا ف راسنا
عيينا من حكامكوم برلمانكوم ووزاراءكوم
بغينا وطان
كرامة
حرية
عدالة
بغينا وطااان
ولا جمعوا كلابكوم و مخزنكوم
سيرو فحالكوم
شدو الطريق
***رضا الموسوي***

#سليمان_الهواري (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات