نانسي سامي
الحوار المتمدن-العدد: 5065 - 2016 / 2 / 4 - 01:44
المحور:
الادب والفن
هي الدموع بتحكي او بتشكي؟!!
ولا الحزن فاق الكلام المحكي
حاسسني ياصحبي
وسامع رنة وجعي
ولا انا تعبي زاد عن حده
ومش متشاف إلا من قلب موجوع زيه
اه واه واهات زي المحرات في الأرض
بتقلب في ذكري مبيطلعش منها غير البرد
الشتا طويييييل
والربيع عمره قَصير
مشبعش القلب من أعدته في الملكوت
ولا إتندي من زهره ولا فرح بالعهود
ولا لحق حتي يتكتب اللي كان عنه مسكوت
كان طاير بجناح العشق مأسور
وحاسس نبوة الكسور
كان طيف معدي فوق حدود الكون
وعارف خطوطه مش هيكون ليها ولا لون
كان عايز يحلم منغير ما يشوف إن حلمه مقتول
ولا متعلق علي حكاوي الخلق في واقع مزلول
كان نفسه يكون
مش لا يكون
#نانسي_سامي (هاشتاغ)
كيف تدعم-ين الحوار المتمدن واليسار والعلمانية
على الانترنت؟