سواجي وداع

احمد المرشدي

الحوار المتمدن-العدد: 5024 - 2015 / 12 / 25 - 15:10
المحور: الادب والفن
    

((سواجي وداع))


 

اشتهوني
وما رضيت انگاد 
ذموني .. وبست روحي !

سلام الله
على چفوفي 
وعلى عيوني 
وعلى جروحي !

غفيت ابريسم 
بوكت الوجوه ترااب 
الحمد لله ضميري شماا عتگ فضه !

هواي وجوه ترخص
يم #‏المرايات 
وانه اكره اليتشضه !

بچيت بستر
مثل الگاع 
سِنبل طگن دموعي !

انه ربعي 
الثگل والليل وشموعي !

شبعد وافرح
بكل حزني ؟ 
مشه بجفني الحلم للبير !

عطش ملگه 
اعله كبر الكوس 
ولا جربة صديج اتدير !!

تچويني المواقف
والشمس صوبين 
واتفگد الوادم ولا غيمة هااا !

والتذ بالألم
والبس السكتة اثياب 
واصد اعله العيون اشاا !

وتهب شرجي الچفوف الچفي 
كل ما گول ذاااك الفيّ ..

واتعوذ الرفگة
واشتري الحيطان 
وامد للضلمة سفرة ضي ..

ماضميت وجهي بلون 
سهل ويلوحني العابر

اركض ع الوهم
حد فحطة اجدامي 
وارد عطشان ومكابر

احب روحي صدگ 
غنت جروح الناس 
واصفگ دمع من اقرة بجرح شاعر

بس لشوكت ؟ 
عمري ينشره وينباع

من دمي رويت شچم نهر عطشان 
واتطشر #‏سواجي_وداع

مو مليت
اصد الصدري
مدري شچم عرش خالي !

چم هلال
صغته من الضوه البالروح 
وگالتلي السما هلالي

ملل ترس السچچ
والغيم جنطة هم

شلي بخيوط ماگطعن نزيف الدم

وشلي بصاحبي
الماشوف بعيونه الوفه محزم

يااااگلبي 
السهر ع الناس منبت شيب !!

الأبيض مو حلو 
والدنيا دنيا ألوان 
صفه بيهه الچذب مو عيب ...

لم نبضك 
وطش حزنك 
بقايا احلام !! 
وتيه بزحمة اليغفون

واكتب دمعتك ع الماي 
حزنك من گلب وعيون !

وسولف جرحك
ويه الصبح بلكي يطيح

بلكي ارمادك اتهب فوگه زفة ريح

وبعد 
هدهه الگناطر 
كـــل حيااااتك بـــر !

وآلآمك ارباحك
خلهه ضل وياك

ذكرى الرفگة الخنجر 
ذكرى العشرة الخنجر ..

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل