وجع - شعر عامي

زاهد عزت حرش
(Zahed Ezzt Harash)

الحوار المتمدن-العدد: 5006 - 2015 / 12 / 7 - 18:43
المحور: الادب والفن
    

وجع...
زاهد عزّت حَرَش

بْقَلّبِي خَلّيهَا تِجْرَحْ
شْرَانِيّفْ حْجَارْ الصُوَانْ
ولا تِطْلَعْ بَرْا تِفْضَحْ
وفِيّهَا يِحْكِيّ مِينْ مَا كَانْ
صَعْبَانْ عَلَيِّ إفْصَحْ
وْسَامِحْ يَا إِللي فِيِّ خَانْ
حَطْوّنِي بِأَصْعَبْ مَطْرَحْ
وحَرَقُونِي بِنَارْ إلّكِتْمَانْ
ظْرُوّفِي صَعْبِي مَا بْتِسّمَحْ
أوقَفْ بِوجْه الطُوّفَانْ
مَا بْيِكْفِي إِنِي مْكَرْسَحْ
عَايّشْ بِعْتْمْ النِسْيّانْ
بِتْمَنَى مِنْهُنْ إفْرَحْ
إلّكَانْوا عَلىَ صَدْرِيّ نِيْشَانْ
إِبْنَكْ لَوَحْدُو بِيْسْرَحْ
شُو صَدَقْ بِحَكْيّو جُبْرَانْ
لَمَنْ يِطْلَعْ عَلْىَ الّمَسْرَحْ
بِيّفَكِرْ حَالُو سُلّطَانْ
بِيِجّمَعْ مَا بِيِعّرِفْ يِطْرَحْ
وأَخِرْتَا بِيِطْلَعْ خَسْرَانْ
بِيِضَلّوُ يّعِيّدْ وّيِشْرَحْ
بِالسِيَاسِي شُو فَهْمَانْ
لاَ تْجَادِلْ فِيْوُ بِيِنْطَحْ
ثُوّرْ وبِالسَاحَهْ فَلّتَانْ

بْعُمْرَكْ مَهّمَا تِكْدَحْ
فَاضِي رَحْ يِبْقَى الجِزْدَانْ
ومِنْ تَعَبَكْ عَرَقَكْ يِسْبَحْ
بْوَرْطَا بِتْصَفْيِ طَفْرَانْ
أَبَدَاً مِشْ رَحْ تِتْرَيّحْ
وِوّلاَدَكْ بَعْدُنْ صِيّصَانْ

قَالُوَلَكْ عَقْلَكْ أَرْجَحْ
مِنْ عَقِلْ النَاسْ بِمِيّزَانْ
قُوّمْ إتْعَلَمْ كِيّفْ تِنْجَحْ
بِيّعْ السِكْيِ والفَدَانْ
كَمْ وَاحَدْ قَبْلَكْ شَبَّحْ
بَاعْ وسَاوَمْ عَ الأوْطَانْ
بِهَالدِنْيَا وَحْدُوّ بِيِرْبَحْ
حَرَامِيّ وتَاجِرْ فَلّتَانْ

هّمُوُمْ السِيَاسِيِ يِنْجَحْ
تَيّوَصِلْ عَ البَرْلَمَانْ
إِضْحَكْلّوُ شّوَيِ بِيِفْرَحْ
وبِيِصِيِرْ يُرْقُصْ بِالدِيّوَانْ
بِجُمْلِيِ وكِلّمِيِ بِيِتْمَرْجَحْ
بِيخْلِطْ شَعْبَانْ بِرَمَضَانْ
مِنْ حَوّلُو رْجَالّوُ بْتِنْبَحْ
مْنِعْرِفْهِنْ شِلِةْ زُعْرَانْ

شُو مَا حَكِينَا مَا مْنِجْرَحْ
وصَعّبِي جِدًا يِتْصَلَّحْ
كُلْ مِنْ أَسَاسُو خَرْبَانْ

كانون اول 2015

#زاهد_عزت_حرش (هاشتاغ)       Zahed_Ezzt_Harash#          

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل