أحمد الزيدي
الحوار المتمدن-العدد: 4890 - 2015 / 8 / 8 - 17:56
المحور:
الادب والفن
صباطعش ميّة
جريمة العصر... مالازم اتمر
على الباغي بسلام
ولا تفض بدعوة قضائية
موش طلابة وعركة أزلام
تنحل بجاهه وفصليّة
ولاهي دعوة ثار وانقام
لچن شرح ابعاد القضية
استلاب الفكر شلون يصيرتنظير
وتقسيم البلد يصير قضية قومية
وتسميم الضمير بيا عرف تحليل
وتحريم الفكرالحردعوة وطنية
معروفة منابع التدبيروالتكفير
بس النكبة ((بدولتنا الأتحادية))
شلون يصيرعين الرقيب تنام
وتأمّن ع الولد بزاغور الحيّة
ديّتها جبيرة وماتفضها گوام
عبنها بشان ايتام البعثية
أخذونا غفل أولاد الحرام
غيلة وغدر ومكر واوية
العتب موع الغفا ونام
بحما الوطن وسد المرجعية
بس ع الخان الملح والزاد
وسلّم ولدنا لأتباع السلفية
ياصحافة مأجورة وفضائيات
قابضين ع السكوت مية بالمية
ياشعب عار نسكت اليوم
كوم انهد اوكارالحرامية
ونوفي النذربالحك تعداد
صباطعش ميّة...ثمن الحريّة
أحمد عبد الحسين خليفة الزيدي
لندن 8/8/2015
#أحمد_الزيدي (هاشتاغ)
كيف تدعم-ين الحوار المتمدن واليسار والعلمانية
على الانترنت؟