أبو جرجس

صفوت سابا

الحوار المتمدن-العدد: 4885 - 2015 / 8 / 2 - 15:47
المحور: الادب والفن
    

مِيَّن مَيَعرفش صَاحِبْهَا !
الأمِير
اللى راكَبْ فُوْقْ حُصَانْ

اللى بِيْحوَّط عليها
قُرْبِ قَرْنْ م الزمان

واللى لابس الخوذة
فُوْقْيهَا رِيْشَة
ع الكتاف مَلْيُوْن نِيشَان

وف إيدَاه الحَرْبَةْ صَلْبَة
و خَفِيْفَة
طايرَة تطعن الشيطان

والوشاح
رَفْرَفْ وِشَقَ الهوا
أحْمَرْ ولون قَانَى
شاهد على قيامته
شاهد على إيماني

وفوق عيون أميرة
واقفة عَنْدَ الْحِصَن تَسْتنى
دمِّ الشّهيد يَنْسَاْب
يفدى عروستة بتمن
والدم عمره ما كان
غالى على بيْعة
فداها ربى زمان

***
ومين ميعرفش الأمير !
اللى أسمه شاع فى بلاد كتير
وأربع جهات

ويوم م مات
ماقالوش دا مات

اصل عنده ولاد كتير
وكمان بنات

أبو جرجس
وأبو جورج
الروماني
وجورجينات

الشهود
والشاهدات
والقسوس
والأساقفة
وقديسات

أسمه عايش فى الكنائس
والمدارس
والمعاهد
والصالات

أسم واضح
والحروف بتشع نور
بين حروف كل اللغات

***
ومين ميعرفش حروف أسم الكريم!
اللى فاتح للغلابة قلبه بيت

بيت كبير فى بلاد كتير
كله يشبع فيه نقاوة
بآب وأبن و باراكليت

بيت فسيح
وفـ قلبه مذبح
بيت وساحة
وحوش يوصل لـ سَّلالَّم
للولاد يجتمعوا فيه
والمسيح هو الوسيط

بيت صلاة
وكمان صلاة من غير كلام
والدموع ع الخد تنزل
فى الذنوب بجدارة تهزم
وبدون حراك
فى اندهاش و هذيذ غويط

نفسى أشوفك ياأمير
هل دا ممكن؟
وإن مكنش اليوم دا ممكن
قولى أعَزَّلْ جنب بيتك
فى لحظة أجيلك
مش للمَزَار ، للمَبِيْت

#صفوت_سابا (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل