يَمْتَه اتعود

ميسون نعيم الرومي

الحوار المتمدن-العدد: 4836 - 2015 / 6 / 13 - 19:43
المحور: الادب والفن
    

يـَـمـْـتـَـه اتـعـود
ميسون نعيم الرومي

يـَـمـْـتـَـه اتـعـود
هالضاع العمر والضّيم هالمچبود
نسيناه الفرح هالشال يمته ايعود
يـَـمـْـتـَـه اتـعـود ؟

فطنـَّـه ع الحزن والخوف والتكميم
نحلم بالسفـَـر باب الوطن مَــسدود
يـَـمـْـتـَـه اتـعـود ؟

ضگنه الجوع واللوعات والحسرات
والراتب صبح دولار هالمنكود
يـَـمـْـتـَـه اتـعـود ؟

شفنه الموت بالشارع البيه البيت
يكرفنه كرف ! والموت مابي فـود
يـَـمـْـتـَـه اتـعـود ؟

تاكل بالزبل أطفال هدهه الجوع
دمع يترس اچفوف الإيد هالممدود
يـَـمـْـتـَـه اتـعـود ؟

شفناهه الجثث منضوده حدر الگاع
وامنـَـه امن التراب اتريد ابنهه ايعود
يـَـمـْـتـَـه اتـعـود ؟

على الهاتك ظلم هالتطبگ اعله العوز
ياذلـّـــه اومهانه الماتـحدهه احــْـدود
يـَـمـْـتـَـه اتـعـود ؟

مو چان العراق الفوگ كل الغيم
هـالـطافــح فساده وابـْـقوايم سـود
يـَـمـْـتـَـه اتـعـود ؟

نأمل والأمل حلم اويناغي الروح
ترجع ياوطن والصبر ماله احدود
يـَـمـْـتـَـه اتـعـود ؟

هم يوم اليجي تصحه اوتـرد اردود
تشرق كل شمس والشعب هم ايعود
يـَـمـْـتـَـه اتـعـود ؟
يـَـمـْـتـَـه اتـعـود ؟
راح اتعود
ــــــــــــــــــــــــــــــــــــــــــــــــــــــــــــــــــــــــــــــــ
حزيران / 2015
ســــــتوكهولم

#ميسون_نعيم_الرومي (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل