فلتحيا الوحدة الوطنية!!

محمد صلاح سليم

الحوار المتمدن-العدد: 4798 - 2015 / 5 / 6 - 16:34
المحور: كتابات ساخرة
    

مشهد (1) :
يجلس "عمر" المواطن المصري المسلم وصديقه "أحمد" في شقة الأول أمام اللاب توب يشاهدا بعض الأفلام الوثائقية والبرامج عن "خرافات المسيحية" و جرائم الكنيسة في القرون الوسطى ومحاربتها للعلم.
..عمر وهو يقهقه من الضحك: هههههههه ياااه أنا مش عارف الناس دي بجد عقلها فين؟ في القرن ال 21 لسة مؤمنين بإن الأرض عمرها ألاف السنين وإن فيه ثعبان اتكلم وإن الله نزل بنفسه يخلص البشرية بعد ماسابها كل السنين دي وإنه ندم لما اباد البشر بالطوفان بعد ماكان ندم علي خلقهم؟!!
... أحمد متعجبا : هههههه فعلا عندك حق الحمد لله علي نعمة الإسلام لازم ولابد الناس دي تغير فكرها وتبتدي تفكر بعقلها وتبص للدين بعقلية ناقدة لو عاوزين يوصلو للحقيقة.
... عمر : صحيح يا أحمد يلا شغلنا فيديو للدكتور زغلول النجار أو الدكتور مصطفى محمود.
... أحمد : أوك حالا عشان نقتنع أكتر إن العلم والإسلام لا يتناقضان.

مشهد (2) :
يجلس "بولس" المواطن المصري المسيحي وصديقه " بطرس" في شقة الأول أمام اللاب توب يشاهدا بعض البرامج التي تتكلم عن "خرافات الإسلام" وجرائم الجماعات الإسلامية وعنف القرآن ومخالفة بعض آيات القرآن للعلم.
.. بولس ضاحكا : هههههه يا أخي بجد مش عارف الناس دي امتى نور المسيح هيلمسهم مش كفاية إنهم مؤمنين بكتاب سارق من الكتاب المقدس وياريته سارق صح؟ لا وكمااان مؤمنين إن رسولهم طار علي بغلة وياريتهم في حالهم لا عاوزين يحتلو العالم ويدفعونا الجزيه ودين ارهاب حقيقي.
... بطرس مستغربا : ههههه جزية أه علي اساس إننا في عهد الخلافة؟ انا مش فاهم الناس دي بتفكر ازاي الوقتي فيه مواطنة ودولة مدنية وحقوق انسان لازم عملية نقد واسعة للدين ده.
.. بولس: بس كفاية عشان بتعضب وشغلنا برنامج الدليل للأخ وحيد.
... بطرس : حالا صحيح عشان يزيد إيمانا وكمان نعرف الأدلة العلمية عليه.

مشهد (3):
يجلس "أحمد" و "عمر" و "بولس" و "بطرس" سويا في شقة أحدهم بعد سلام وعناق لأنهم أصدقاء تتساقط منهم ورود المواطنة والمحبة ويفتحون التلفاز علي أحد القنوات للافلام الوثائقية وإذ بفيلم وثائقي يتكلم "علميا" عن التطور.
... عمر : ههههه تطور ايه بس دي دعوة للإلحاد و لا يقبلها عقل إنسان أيه بس اللي أصله قرد وفين ثوابتنا وامنا حوا وأبونا آدم حتي مسلمين ومسيجين ميرضوش بكدا !
... بولس: اااه عندك حق يا عمر والله احنا مجتمع متدين مسلم ومسيحي مش مهم بس فيه جوانب مشتركة مش تقولي الحاد وقرود وبتاع عيب .
.... أحمد : دي حاجه بقت تقرف والله أصلا العلم محدود ومتغير وكلمة نقد الثوابت الدينية دي متنفعش لأن هتضيع هويتنا وثوابتنا.
.... بطرس : فعلا وشوية يقولك زواج مدني للأقباط وشوية يقولك التطور حقيقة وهي اصلا كلها حفريات مزورة والعلم ده كله فشنك عالم قرود ولاد قرود .

ثم ينهض الجميع في مشهد رومانسي يتبادلون النظرات ثم العناق ويهتف الجميع المسلم والمسيحي إيد واحدة
لا للملحدين لا للادينيين لا لنقد الثوابت الدينية.
العلم محدود .. العلم متغير .. العقل قاصر.. لا لمدعي التنوير.

#محمد_صلاح_سليم (هاشتاغ)      

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات