كلام مدارى

رفيق وجيه نصيف
(Rafik Wagih Nassif)

الحوار المتمدن-العدد: 4781 - 2015 / 4 / 18 - 15:11
المحور: العلاقات الجنسية والاسرية
    

س ( ولد او بنت ) : بتحب الكلام " القبيح "
ص( ولد او بنت ) : ممممم ... ايوه !!
س : بس المدارى اه ماتفهمنيش غلط
ص: ايوه !!
س : علشان محدش بيقول عني انى بنت/ولد مش كويس/ه
ص: ايوه !!
س : كل ماقولك حاجه تقولي ايوه ايوه ايه في ايه .
ص : اصل انا متربي في مجتمع جميل مقفول اى حاجه في المدارى وتحت ال..... ماشي
س ، ص : هههههههه

الكلام في الحب نعمه والايحاء والتلميح مغذي جيد للخيال
وفي " الشات " هو بداية تسخين كويسه بين الطرفين اللى بيحبوا بعض او عشقانين بعض او بيحاولوا يتواصلوا في اطار الحب
وده اضافه كويسه لفن المداعبه بين الحبيبين فن ابداعي رائع
وحنعرض مجموعه من الجمل المنتشرة في الشات بشكل كبير

- لابسه ايه دلوقتى ؟
طبعا دي جمله مهروسه ومفقوسه في اغلب الشات العربي وغير العربي وتتقال بشكل مكثف وبصورة مباشره ...
تسألني ليه في اغلب الشات بتتقال ؟
طبعا علشان تشغل الحس الخيالى وتشعلل المشاعر المولعه اصلا بين الطرفين في نفس الوقت بصورة ادبيه في اطار الادب والاصول المتعارف عليها بين المجتمع علي قد فهم الطرفين للحلال والحرام وتحليل وتحريم كل واحد علي هواه مادام في الخاص مش العام ...
ولو ان في الجمله التانيه حيعدوا الجمله دي بصورة الطف من كده بكتير وحيتطورا بتطور التكنولوجيا وسهوله الاتصال والwhatsapp خير دليل علي التواصل السهل السريع الامن وربنا يستر ...
علي العموم احنا بنحب الكلام المدارى اللى فيه ايحاءات لطيفه فهي ترد بمنتهي العفويه بجمل في الاول من عينه " وانت مالك ! "او " بطل قله ادب وتضحك" وبعد شويه من الحب تقوله " ترنج " وبعد حبه تقوله " احمر منقط الخ الخ الخ " وهو شارحه رغم ان البنت مايهماش غير المشاعر اكتر من الصور وكده
وطبعا بيبقي فيه طاقه حب متبادله مش بس مفضوحه في الكلام لأ دي مفضوه في الدلالات وغيره وممكن الولد والبنت يرموا كلام اكبر واتقل واصيع من كده بكتير لكن مازالت الجمله دي ورغم التطور الرهيب في مرادفات اللغه الشبابيه هي الجمله اللى ليها زهو وفرحه الاحساس الاول في بدايات علاقات الحب

- ابعتيلي صورة ؟
في البدايه ترفض وبعدين بتبعت صورة ورده - بطيخه - بحر حاجات حقيقيه بتحبها ونفسها في تحقيقها كنوع من الرومانسيه طبعا صاحبنا بيبقي في سره ايه الخرا اللى هي باعتاه ده بس بيقول جمل كويسه لحد اما تندع باي صورة ليها
شويه شويه بيتراسلوا بالصور وشويه شويه صور صيفي وانتوا عارفين الباقي بقي ، وطبعا الصور تجر الصورة لان مفيش شبع بالعكس التجاوب بيخلي التواصل في درجه من الامتاع اعلي والتشوق والاثاره وبالتالى مابيتهدش الواد

- بفكر في جمال شفايفك ، اللى باينين واللي مش باينين !! " ويستني رد الفعل "
طبعاً دي عينه بسيطه من الكلمات الرنانه في سلك المعاكسه المهذبه بين طرفين بيحبوا بعض ويقابل ده اما بنفور او كسوف مستتر مكتوم او واضح بس محبوب ولطيف ومطلوب لان هي "شعره" بين التواصل وبين القطيعه الا ان لكل قاعده شواذ

لحد اما يحصل اللقا الحقيقي سوا في اطار الورقه اياها والشهود والعلانيه الخ الخ ... من الهري والهري المضاد
او قبل الورقه وده حسب مشاعر الطرفين وحسب درجه الكبت الجنسي اللى فيها وشطارة الولد المتعارف عليها من تجاربه اللى قبل كده عن طريق التجربه والخطأ
والبنت اللى نفسها تحب وتتحب بشكل افلاطوني او فعلي مبالغ فيه احيانا وده لان الثقافه جايه من وسائل الاعلام من افلام وغيره من المكون الرئيسي للثقافات للشعوب بشكل عام

طبعا احنا مجتمع متدين بطبعه ونتاج التدين الظاهرى المذهل فيه كبت مالهوش حل فبيبقي فيه تواصل مبتور بين الاطراف

العبقري نجيب محفوظ في فيلم الاختيار للمبدع الكبير يوسف شاهين
قال علي لسان بطل الفيلم عزت العلايلي
دلوقتى كل اتنين يتعفوا علي بعض ... اصل في الدنيا والحواديت والكتب الناس كلها بتجري ورا بعضها قال عشان ايه ؟ ... الحب ... ده مش حب ... دي الرغبه او بقي هه المصلحه ... كل الكلام الملفوف والحركات مهياش غير تغطيه للرغبه وبس وبعد اما يرتاحوا يبقي مفيش حاجه .. طار التفاهم وطارت العصافير اللى بيزقزقوا والورد اللى بيفتح وكل واحد يدي ضهره للتاني وايه سلام عليكم ... نهايته ... احنا بقي مابنعملش كده ... احنا من الاول بنحل مشكله الرغبه دي وبعده ما نرتاح نشوف ... فيه تفاهم يبقي حقيقي ... فيه العطف يبقي عطف حقيقي .

تسألني وتقولي انت مع ولا ضد السعاده الوقتيه ؟
بمنتهي الصراحه انا ضد الاستغلال اي كان نوعه ، لكن في نفس الوقت مع قتل الرغبه ( وهنا الرغبه مش حيوانيه الرغبه في ممارسه بين عاهر وعاهره ) لنما في اطار حب حقيقي ومشاعر حقيقيه بين طرفين فعلا حبوا بعض وده يكون قبل تكوين اسره لان كتير من المشاكل المطروحه في اروقه المحاكم جايه من انعدام التواصل الحقيقي بين الطرفين مش بس في الجنس لأ في كل نواحي التواصل بين الطرفين

*الاساس في الحب مش استغلال الحب مشاعر وطاقه حقيقيه وحاله وراحه وصفات كتير بين الطرفين

#رفيق_وجيه_نصيف (هاشتاغ)       Rafik_Wagih_Nassif#          

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل