يا هَمْ تريديني أشيله

شيرزاد همزاني

الحوار المتمدن-العدد: 4750 - 2015 / 3 / 16 - 20:32
المحور: الادب والفن
    

يا هم تريديني أشيله
هم أهلي
لو همك
لو هم الضيم اللي انا بيه
آني أنسان تعبت
وتحملت فوكَـ اللي أكَدر عليه
تأذيت من هوايه ناس
من دون ذنب آني مسويه
بعدتني الدنيا عن هلي
وشرّبني الزمان المر اللي بيه
وكَضيت سنين عليك أدور
بس قدري
شي يغير المكتوب بيه
***
حملي ونزلته
.......وتربعت عليه
واللي آذاني
سامحته
والمسامح
......الله يجازيه
أهلي راح أرجع لهم
وألعن ابو الزمن
.....وسود لباليه
أعيش بوسطهم
كأني متغربت
وماكو لامي
اللي تخاق عليه
***
بس ألك
أشلون أرجعك ؟
شلون أرجع العين
اللي أذوب بيه
ما راح الوم غير القدر
لأن هذا أللي اكَدر عليه
مكتوب اللي حبيته أضيعه
وأظل طول عمري
متندم عليه
أعمى وشاف ورجع أعمى
على نور عيونه شيواسيه


في ذكرى الغائب
شيرزاد
السويد
26th-8-2007

#شيرزاد_همزاني (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل