تأملات نفسية فى قصيدة لكامل الشناوى

وهبه محمد نور الدين

الحوار المتمدن-العدد: 4681 - 2015 / 1 / 3 - 18:56
المحور: الفلسفة ,علم النفس , وعلم الاجتماع
    

كامل الشناوى دا مجرم وجع .. ازاى كان بيخلى القصيدة بترسم الموقف بالشكل الرهيب دا
على سبيل المثال قصيدة حبيبها اللى غناها حليم ..

شوفوا ازاى بيوصف خداعها فى مشهد عبقرى ..

فلم تزل تلقانى .. وتستبيح خداعى ..
بلهفة فى اللقاء .. برجفة فى الوداع

وكأنها مافيش غيره فى حياتها .. متلهفة ومتشوقة انها تشوفه .. ولما بتودعه بترتجف وبتخاف من فراقه .. ولكن كل دا تمثيل

ويكمل فى رسم صورة الخداع بشكل كامل ويقول :
بدمعة ليس فيها كالدمع الا البريق .. برعشة هى نبضا ..نبضا بغير عروق

يعنى كل دا ماهو الا ادوات اكتمال الخداع .. وبيت نبضا بغير عروق دا تعبير اجرامى منه وكأنه بيتكلم عن واحدة علاقاتها سطحية بشكل مرضى لاتعرف من العلاقات الانسانية الا تمثيل المشاعر على وجهها وجسدها .. بس الفرق هنا انها واعية بدا ..

وبعدين يصور الصراع اللى بيدور جواه جراء كل هذا ..
ويقول :
ويحفر الحب قلبي بالنار .. بالسكين .. وهاتف يهتف لى .. حذارى يا مسكين ..

وبعد مايوصف الصراع جواه .. يوصف حاله بعد كل دا .. بعد اى اهتزاز لصورة الموضوع او الحبيب اللى كان مصدر ثقة .. وهو انه يتحول للشك فى اى حاجة بعد كدا ومافيش ثقة فبيقول :
وسرت وحدى شريدا .. محطم الخطواتى .. تهزنى انفاسى .. تخيفنى لفتاتى ..
كهارب ليس يدى من اين .. او اين يمضى .. شك ..ضباب .. حطام ..

ودا حال اى حد فجأة يشوف صورة لبنى ادم غير الصورة اللى جواه واللى ممكن ماتكونش بتاعته .. فجأة تهتز الثقة .. ينعدم الامان خاصة اذا كانت الصورة دى بتمثل امن او قبول حتى لو كان قبول زائف اعمى بيهرب بيه من انه يشوف حاجات تانية جواه ..

ويعبر الشناوى عن الصراع اللى بيحصل جواه بجملة بديعة جدا :
بعضى يمزق بعض ..
وصلت ان هو بيشوف انه الصراع اللى جواه فى كل حتة بتحارب حتة فيه .. وبالتالى هو اللى هيتم تدميره من جوا بسبب الصراع دا ..

كامل الشناوى دا لازلت ارى فيه الشاعر الذى يجيد نسج الكلامات بحرفية انفعالية شديدة ..ويمكن بقصيدة واحدة يعبر عن حالات انفعالية بشكل تفصيلى تعجز ان توصله بهذه البساطة كتب السيكولوجى ..

#وهبه_محمد_نور_الدين (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل