بائع الغاز

حيدر الطائي

الحوار المتمدن-العدد: 4645 - 2014 / 11 / 27 - 08:48
المحور: كتابات ساخرة
    

الساعة اثنعش الضهر بتموز .شوية ركزو بتموز والساعة صارت بالثنعش ودقيقة ...لا تاخرونا وركزو ترة يروح الوقت ركزو فدوة لعينكم …
ستوني جاي انام لان الوطنية جتي والسبلت اشتغل… وية ما تمددت واذا بصوت عالي من الخارج قاز قاز قاز وياها طيط طيط طططططططيط هذا الهورن البوش على مقام النهاوند ليگول النائب محمود الحسن ديحجي ..والصوت بذاني ..قاز قاز قاز قاز ..لبست الفانيلة وطلعت… ..
تعال بابا شنو هذا الازعاج ..؟؟
بياع الغاز ..اخوية بيت ابو قيث يريدون قاز وحنا على باب الله ..!
انا… حبيبي اني اقصد ليش قاز يعني مو غاز …
بياع الغاز… هاي خلقة الله وتصميمي هيج ..
انا ..يعني انت متعرف تگول غايب شو گول غايب خلي افتهم ..
هو… قايب…
انا… زين گول غراب…
هو قراب…
انا.. زين گول سوگ الغزل ..
هو سوگ القزل…
انا. . لك اني اول مرة اشوف نضام اندرويد وما بيه سوق بلي ..عطل غريب ..
هو ..لا اخوية لا قريب ولا ابد بس انتة مقثوث…
انا… زين خلي اعلمك واكسب بيك اجر…
ردد وراية غغغغغغغااااز ..
هو قغقغقغقغغغغغاز…
انا… لا حبيبي غغغغغغغااااااز…
هو… غغغقققاز ..
انا… اي الحمد الله نكطت راح تمطر ..لا گول غغغغغغغغغاززز ..
هو غااااااز ..غاغغغغغاز غاااااااز ..
اني… .اي عفية هسة تمام… .
عيدها والله عادها تمام گول غفوري گال غفوري گول غائب. گال غائب… اني بصراحة حسيت مسوي انجاز… .وگتله يالة حبيبي الله وياك ودي القنينة لبيت ابو غيث..وروح اريد انام زين .. الله وياك…
بياع الغاز ..
اني هواية اشكرك انته علمتني اگول غاز وغازي وغريب…
گتلة ولا تنسى سوگ الغزل وغراب وغيث
گال اي صحيح
اشكرك اقاتي… .
انا ..لا يا قشيم كل هذا التعب وتقلط نفس القلط…
اشطح من گبالي لا اقسلك قسل…
گلي انت ليش عصبي هاي بعدنا ما اخذناها ..
باجر اجيك نكمل ..
بالنسبة للي صارلهم ساعة يلحنون وياية ..حط لايك وتعليق ..شكد قشمة ..انتو
حيدر الطائي

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل