أحمد زيادة يكتب: أضربك فين؟

أحمد زيادة

الحوار المتمدن-العدد: 4504 - 2014 / 7 / 6 - 08:54
المحور: كتابات ساخرة
    

أضربك فين؟!  مفيش في وشك مكان!!  جملة سمعتها من زوجتي التي اتهمتني بالبخل ولامتني بحرقة لأني لم أخرج معها يوما في مكان من الأماكن الخيالية التي نراها في مسلسلات رمضان فقط، ونسمع أن من يجلس بها هم علية القوم، وأسياد هذا الشعب ممن نهبوه.
حينها قررت أن أغير وجهة نظرها وأذهب بها لأحد تلك الأماكن الباهظة الثمن التي انضمت لقائمة الأماكن الخيالية، فدعوتها ﻷ-;-ن ترتدي أشيك ملابسها وتأخذ كاميرتها حتى نحفظ تلك الصور التي سنلتقطها ونضعها في ألبوم الصور الذي سيشاهده أحفادنا في محطة البنزين.

انتشر مقطع شهير للرئيس عبدالفتاح السيسي قبيل الانتخابات السابقة وهو يتحدث في أحد البرامج عن نيته عدم رفع الدعم عن الشعب إلا بعد تنشيط الدولة اقتصاديا حتى يستطيع المواطن الحصول على رواتب تناسب رفع الدعم فلا يحدث هذا السخط الحادث في الشارع المصري الآن.

ولكن للأسف حدث هذا السخط خلال الأيام السابقة بعد تقليل نسب الدعم عن الكهرباء والوقود الذي وصلت زيادته لما تعدى ال150%، وعدم زيادة المرتبات بما يناسب الزيادة الحادثة؛ ولا أدري إن كان المسؤولين يعلمون بكم السخط والغضب والغليان الحادث في الشارع بسبب هذا القرار.

هل تعلمون أيها السادة المسؤولون عن هذا القرار عواقبه القادمة؟
تفضلوا: إليكم العواقب:
أنا أقولكم .. شبكات الموبايل ترفع أسعارها 10%  ﻷ-;-ن الاستهلاك الكثيف للسولار لتشغيل مولدات محطات التقوية مع ارتفاع سعر السولار يضطرها لذلك.
عادي..هتقولي:انت شعب بيرغي أصلا كتير فانتوا بتربونا.. صح، يبقى كفاية علينا نرجع نستخدم الحمام الزاجل!!

إيه تاني مترتب؟!
خد دي كمان..  إن محلات الأكل أسعارها كمان زادت؛ هتقولي: متاكلش في محلات أكل يا مرفه، كل في بيتك.
طب م هنلاقي أسعار الأكل نفسه اللي هنعمله في بيتنا زاد والميزانية زادت.. ليه؟! لأن المصانع اللي بتصنع الأكل زادت عليها تكلفة كهربا وغاز (نظريا يعني)، فبالتالي هتزيد الأسعار.
ده لو لقيتا مية نطبخ بيها أساسا..

مش بس كدة أسعار المواصلات هتزيد والأوتوبيس الحكومي اللي كان من 6 سنين بخمسين قرش ودلوقتي بقى ب2 جنيه و3 جنيه هيبقى ب 4 و 5 .. ما هو البنزين والغاز زادوا..
وسواقين الأجرة والميكروباص أجرتهم هتزيد جنيه على الأقل، وهيرميها على إن بنزين 80 سعره غلي، وحقه منقدرش نتكلم الغلط عندك انت يا باشا.

لسة لسة، كل السلع الاستهلاكية والمعمرة، الملموسة والغير ملموسة بلا استثناء أسعارها هتولع .. ليه؟!

عشان كهربا ووقود = مصانع دايرة وعربيات بتنقل من المصانع دي، وطالما زودت ده وده يبقى أنا كمواطن هتزيد علية أسعار كل شيء..

أنا كمواطن بسيط غلبان هتبهدل وهجوع.. بص يا باشا أنا أعمل أي حاجة عشان ماسر، بس حاجتين ابعد عنهم: متجوعنيش، ومتركبنيش!!
وفرلي العيش أو المم أو الأكل، ومتشتغلنيش وتضحك علية وتخليني أقول عشان ماسر وأديك ضهري فتديني ...........

معلومة وسؤال أخيرين وهسكت..
المعلومة: فكرة تقليل الدعم من أجل عدم ضغط الميزانية وزيادة الموازنة والعجز في الدولة صحيح في شكله الاقتصادي، لكن أعتقد أنه هناك حلول أخرى من الممكن إيجادها طالما لم تستطع زيادة المرتبات بالشكل الكافي الذي يسد تلك الزيادة.

السؤال: إيه أخبار أسعار المواد الخام من الوقود اللي بتتصدر للأردن وإسرائيل؟ هل لا تزال بنفس أسعارها، أم رفعتم من عليها الدعم؟ .. بالبلدي هتحاسبوهم زينا عشان نبقى احنا والغريب واحد، ولا همة هيفضلوا أولى مننا؟

#أحمد_زيادة (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل