قصايد عن البصرة

كامل الركابي
(Kamel Alrikaby)

الحوار المتمدن-العدد: 4408 - 2014 / 3 / 29 - 23:21
المحور: الادب والفن
    

قصايد عن البصرة

سُخام

چانت ابوجهك تنام
الفخاتي
والعصافير الزغيره
والبلابل
ونسمع من بعيد
تغريد الحمام
وهسه
وجهك
خد نعاوي
وخد سُخام !


النهر

چنت أشوف الماي
ابيض
وده يصعد ع الرصيف
والنهر بي لمعه تعكس
صدف اسماك الخريف
والطفوله
بلايه ثوب أتعوم
وي مجرى نظيف
وهسه
ريحه من العفن
والمدري شنهو
تفتح ابوجهك نزيف !

أم البروم

چنت أشوف
أم البروم الخضره
بيها الليل
صبحين وسهارى
وجنت أشوف العشب بيها
ايغفّي ناس
من الهوى الشرجي
سكارى
وچان صوت البار يسره
ويمنه رنة چاي تصعد
جمره
وي صوت المناره
وهسه
مامن أثر ظل
هيّ والكرنك سوه
گطفة جگاره !

حُر

النهر للسيّاب: انت حُر
تگدر تروح على بيتك
تستريح
وجهك من اسنين
متعوب وحزين
والمطر والريح
فلّت
شٓ-;-د مسامير بصليبك
يا مسيح !

#كامل_الركابي (هاشتاغ)       Kamel_Alrikaby#          

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل شاكر الناصري، أحد مؤسسي الحوار المتمدن	حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل