الى من يهمه الامر ( 1 )

بطرس رشدى جندى

الحوار المتمدن-العدد: 4343 - 2014 / 1 / 23 - 19:32
المحور: اليسار , الديمقراطية والعلمانية في مصر والسودان
    

لن انسى ان يسرى فودة ومحمود سعد وحمدى قنديل وعلاء الاسوانى وعدد كبير من الاعلاميين والثوار انتخبوا مرسى بحجة ان شفيق قاتل ومجرم وجايين دلوقتى يقولوا لن نوافق على ترشيح السيسى رئيسا لمصر ... لن انسى ان عدد من المواطنين قالوا ان مرسى هيخرب البلد ولكن الثوار والاعلاميين قالوا عليهم انهم عبيد وفلول وفى الاخر طلعت رؤية الناس صح ... اما رؤية الاعلاميين والثوار طلعت غلط ... عشان كده بقول لكل اعلامى وثورى انتخب مرسى ياريت تحط لسانك جوه بوقك وملكش دعوة مين يترشح ... الشعب هو اللى يقول كلمته ...

لكل واحد زعلان و قرب يتجنن عشان السيسى بنسبة 80 ٪-;- هيترشح للرئاسة .... كان قدامك 3 سنين تدور على بديل او تكون انت البديل .. لكنك فضلت المطالبه بدون فعل او انجاز ... هتقولى البديل الثورى هو صباحى هقولك مينفعش لانه فشل فى كل حاجة مسكها قبل كده ... والبلد محتاجة حد يكون عنده خبرات ... حد يكون عملى مش بتاع شعارات وبس . ... من يوم 25 يناير بسمع الثورة تطالب و الثوار عندهم مطالب .. عمرى ما سمعت مبادرة من شباب الثورة .. مشروع من شباب الثورة .. حتي التوافق مش قادرين عليه ... مفيش بديل قدامي عن العسكر غير الاخوان و انا و كتير زيى من الشعب المصري مستحيل نوافق برجوع الاخوان للسلطة .... بدل ما تعيط و تنزل تتظاهر و هتاخد بالجزمة من جيش و شرطه و شعب ... فكر تشتغل و تعمل حاجه للغلابه اللي قامت الثورة علشانهم ... يمكن معندناش فلوس .. بس احنا طاقة بشريه و الوقت اللى كل واحد بيقعد يهري فيه عالفيس و بيتظاهر فيه بلا جدوى ممكن نستخدمه لحاجه مفيدة ... لو اتظاهرتوا و متتوا كلكم ولا حد هيسأل فيكم .. الناس كفرت بيكم و بقيادتكم و بثورتكم و مبقتوش تفرقوا معاهم بنكله .

#بطرس_رشدى_جندى (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات