جرف العمر

صفاء علي عبد

الحوار المتمدن-العدد: 4338 - 2014 / 1 / 18 - 23:11
المحور: الادب والفن
    

على جرف العمر عديت الاسنين
وطفيت الشـمع بسكـوت مقهور
واگلّب الشـيّـــــب بيدي آه باشيّب
بعد مالي وسيـلة ومـاني معذور
من بين الاصـابع عمـري خلصان
مثل حفـنة الماي بگـاع منــثور
شيّلمك يعمـري الضـاع حسرات
مثل بيت المريض امسيت مهجور
ذبل هرش الدليل و وجهي تعبان
وعيني عالدب مر شــوگي ناطور
من عطر الاورود وســـوسن الروح
اشم ريحة خيــالك هيـل وابخور
يغص بية الأغروب وحيل مشتاگ
مثل نــار الغـــضا ومسـجور تنـور
مايطفي الگلب هالنوبة محروگ
وبضمة امتونك يشــتعل....... نور
وعلي ظلّ الجفن خليّت الاچفـوف
وعلى عطر الشفايف حيل مجبور
احب ضحكة عيونك تجلي الأحزان
واحب غمزة اخدودك عقلي مبهور
تعال شبيك منعاين علي الـحــال
بعــد ماظل صبــر ملّيت الأكَــدور
يحسن الريم من هيبة الــرحمن
سبحان الخلق بعيــونك ابحــور
أظم عبرات ليلي لجيـــتك طيف
واطش اسنين عمري لعمرك انذور
يساكن كل خيالي وعقلي والراس
تنبض بالگــلب بالصدر محفور
ابد ماظل صبر عديت الاخطوط
وكتبت اسمك أمانة بدمي وادّور
ــــــــــــــــــــــــــــــــــــــــــــــــ
ـ.صفاء الدوري

#صفاء_علي_عبد (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات