تعال وشوف بية شسوة الافراگ

صفاء علي عبد

الحوار المتمدن-العدد: 4335 - 2014 / 1 / 15 - 18:25
المحور: الادب والفن
    

تعال وشوف بية شسوة الافراگ
جرح شريان گلبي وبخل بالدم
واجة بليل الحيارة يعاتب الروح
توجه للسمة ....... ياربي نلتم
وطفح كيل الصبر واللون تلفان
ترة شيب العوارض صار من هم
تعال وشوف حالي ترجف الايد
وزراگ اجفون عيني ليل عَتّم
وتعال وشوفني من يكهب الليل
اطش اسنين عمري الك مَندم
وتعال وشوف صدات المتيهين
تاكل بالدليل اعظامي هشّـم
تراودني الليالي بيك صفنات
مثل روس الخناجر تنخس بذم
تعال وشـــوف بيضات الازلوف
تعاتبني عليك شلون ترهم..؟
تعال وشوف خلگي شلون مكسور
وبية من الاجروح شلون تلتم
اهل گلبي الولوني وبية طعنات
وحزن كل الارجال بوجهي علّم
يلاهي شبيك ما جابتك شهگات
ولا مرة بشواطي الشوگ ترحم
ترة بعدك يناسي صدّع الراس
مــا يبرد علـــــيّ والله يعلــم
تعال شبيك بية لشوفك اعتاب
ولشوگ الاعيون الصدر همّ همّ
وبية وداعتك من (سوسن الروح)
تسد عين الشمس ذرعان تنضم
اضمك حيل وابـــــــد ما ارتاح....
واشد جرحي بحجابك بلكي ينعم
يغالي شبيك ماتـــــدري شصار
اهل گلبي جفوني وخالي والعم
تعال اشبك اظلوعي بيهن اكسور
اسمعهن بأذنــــــك خاف تندم
وخاف بليل امــــوت وانت بأبعاد
امانة اتمر عالاگبور البيها مندم
لاتبچي بدمع ولا تجرح النظرات
ترة بضحكة عيونك ينجلي الهم...
ــــــــــــــــــــــــــــــــــــــــــــــــــ
صفاء الدوري
2014/1/15

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل