_________ انا عراقي ________

علاء ورد حسين

الحوار المتمدن-العدد: 4331 - 2014 / 1 / 10 - 14:59
المحور: مواضيع وابحاث سياسية
    

* اني عراقي
.... عراقي من الانبار .. صدكوني اني من الانبار ، ما دخلت أبيتنا تكفيريين ينتظرون سراهم حتى ينتحرون وسط العراقيين .... صينتي ممدوة بالدليمية لكل اخوتي في العراق من الفاو لزاخو . اني عراقي من ديالى صدكوني اني من ديالى ، ، ما أوجه الهاونات على الجوامع والحسينيات .. اني عراقي من ديالى بس ما اخلي غريب يدخل مدينتي ويقتل أهلي .. اني عراقي من صلاح الدين ، نعم اني من تكريت وسامرا وبيجي بس اني ما افجر محطات الكهرباء وأنابيب النفط .. اني عراقي من اربيل ، بس بغداد العزيزة تبقى عاصمتي وعلم العراق يرفرف على بيتي .. اني عراقي من مدينة الثورة بس ما أروح أشكل عصابات واختطف الناس واقتلهم لأسباب طائفية حقيرة ....اني عراقي من الشعلة بس ما اهجم على الغزالية واقتل الناس بدون سبب .. اني عراقي من حي الجامعة بس ما البس نص دشداشة و اهجر الناس للرصافة لان ذولة ليس من طائفتي .. اني عراقي من البصرة ولو يجي ابو كسرى ورستم وبهشتي وبلشتي واصفهاني ويريد يدخل العشار بدون استئذان من اهل العشار والله اكسر رجله ورجل الخلّفوه .. اني عراقي من العمارة اني عراقي من الناصرية اني عراقي من الكوت من الديوانية من السماوة من الحلة اني عراقي وانت بكيفك من يا محافظة تريدني اني حاضر ..
*كل الادعاءات السابقة عن العراقيين روجها السياسيين والسياسيات عديمي الشرف القنوات الطائفية السنية والشيعية تلميحا وتصريحا..حتى ما يسمى قناة العراقية

#علاء_ورد_حسين (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات