ايمي صليب
الحوار المتمدن-العدد: 4252 - 2013 / 10 / 21 - 23:03
المحور:
الادب والفن
بعد ايه !!
راجع بعد ايه
بعد احساسي بيك مامات
راجع ليه
عايز تجدد الذكريات
راجع ومتهيئ لك
انك هتعيد كل اللي فات
فاكرني لسه بسامح !
كان زمان ايام حبي ليك
قبل ما أهون عليك
ياما اشتقت لك
ياما قلتلك .. محتاجة لك
قسوتك عليا
و جرحك ليا
قسوا قلبي عليك
ضيعت كل حاجة حلوة بينا
حتي حنيني وشوقي ليك
مابقاش عندي حاجة اديها ليك
فاكر لما كنت بين ايديك
كنت شايفة كل الدنيا فـ عنيك
حتي لو راجع وندمان
مبقتش انا .. غصب عني
حتي ملامحي غيرها الزمان
والامل عندي مات
زي قلبي مامات
خلاص فات الاوان
مش ذنبي انك تندم
مش ذنبي
انك تتحطم
انا اتحطمت قبلك
يوم مانسيني قلبك
emiii
#ايمي_صليب (هاشتاغ)
كيف تدعم-ين الحوار المتمدن واليسار والعلمانية
على الانترنت؟