ليه يا بلادي ؟!!

ايمي صليب

الحوار المتمدن-العدد: 4245 - 2013 / 10 / 14 - 12:49
المحور: الادب والفن
    

ليه يا بلادي عايزاني أرحل
وانا اللي بعلم ولادي معني الانتماء
ليه بايعاني وانا شاري ودك
وبغرز حبك فيهم من الالف للياء

اعمل ايه دنا بعشق ترابك للممات
وكل شارع وكل شبر فيكي
ليا معاه زكريات
ليا معاه غرام وحكايات

كل حاجة فيكي بحبها
قوليلي ازاي أمشي و أسيبك !
ازاي أسيبك هنا
تضيعي مني وأسافر أنا !!

دي شوارعك بدمنا مروية
لاجل ما تطرح زهور الحرية

اقول لاولادي ايه لما يكبروا !
هي دي بلدكم .. هو ده وطنكم ..
اصل الحضارات وام الاهرامات
اللي يا ما زرعت حبه فيكم ..

اقولهم روحوا احرسوا الحدود ؟
دافعوا عن أرض الجدود ؟
روحوا أرفعوا علمكم
روحوا أحموا بلادكم ..
لاجل ما يرجعولي ملفوفين في العلم !
أه لو تعرفي يا مصر ..
أد ايه جوايا من ألم !

وازاي قلبي واجعني عليكي
وعلي اللي حاصل فيكي
خايف عليكي بجد
مانا حاسس بيكي ..

خايف اكتر من كدا تدهوري
و ترجعي مئات السنين لورا
بدل ما تتقدمي وتكوني دايما
في نظر العالم مبهرة

لسه شايفك جميلة ف عنيا
بردو ما زلتي انتي بهية
بهية الطيبة المحروسة من الحاسدين
ملهمة الشعراء ومعشوقة الملايين

مش قادر اشوفك حزينة
بوعدك أمسح دمعتك باديا
وأرجعلك بسمتك
عشان أسمع ضحكتك ترن ف وداني
تشيل عني الهموم وتزيح الغيوم
وترجعلي الامل من تاني
و تفضلي زي ما كنتي
قوية وعنيدة مش محنية
اتمني أعيش وأشوفك أميرة ابية
زي مانتي

emiii
ايمي صليب

#ايمي_صليب (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات