كلام بدون مجاملة ( 1 )

بطرس رشدى جندى

الحوار المتمدن-العدد: 4228 - 2013 / 9 / 27 - 09:20
المحور: كتابات ساخرة
    

- حزب النور عايش فى دور جلدة الحنفية ... متصورين انهم لو مش موجودين ... مصر هتغرق فى الرزيلة و الفاحشة و الشذوذ ... هما نسيو عمهم ونيس اللي كان مع المزه فى العربية علي الطريق الزراعي .

- بلدنا هى البلد الوحيده اللى بتسمح بمظاهرات تأييد للارهاب اللى بيقتل جنودنا وبيحارب جيشنا .

- البرادعي بقاله 3 سنين يقول الثوره هتنجح رغم العقبات ... ومع اول مشكله قدم استقالته وهرب بره مصر ورجع لعالم تويتر .

- مرسي اتكلم عن المانجه ... البشير اتكلم عن الهوت دوج ... الناس دي فاهمه الرئاسه غلط .. دي دوله مش ثلاجه ..... الاخـوان كلهـم راضعيـن مـن نفس الجـامـوسـه .

- أنا ضد المتدين الغير إنساني ... أنا لا يهمني .. مين أنت .. ما لونك .. ما لغتك .. ما دينك .. بماذا تعتقد .. ماذا تأكل .. ماذا تفكر ....... كل ما يهمني أن تكون أعمالك إنسانية مع أخيك الإنسان ... أن تعامله كما يعاملك .

- جاء وقت عدم تكرار الخطأ .. لو لم نقتلع الإخوان وحلفاءهم من جذورهم .. سيعودون أقوى بكثير .. أجيالهم الجديدة أكثر عدوانية من السابقة .

- كل عيل معفن نزل كام مظاهرة وخدله صورتين فيها ... بقي مصدق ان المخابرات مراقباه ومراقبة الفيس بتاعه وبتتأمر عليه .

- لما الحزب الوطني اتحل محدش طلع قال لا غلط ... نسيبهم الاول شويه دول بقالهم 30 سنه شغالين وعلاقات ... نحل الحوار بطريقه تانيه ... لكن اول ما الاخوان اتحلوا ... كل الكلاب طلعت تبرر .

- سؤال للمدرس الإخوانى : حضرتك عامل اضراب عن العمل فى مدارس الحكومة صح ؟ ... طب بالنسبه للدروس الخصوصية اخبارها ايه معاك .. إضراب بردو ولا ايه النظام .

- رسالة إلي من يهمه الامر قبل أن يأتي وقت لا ينفع فيه الندم " البطون الخاوية ليس لها آذان لتسمع النصيحة "

#بطرس_رشدى_جندى (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات