بطرس رشدى جندى
الحوار المتمدن-العدد: 4167 - 2013 / 7 / 28 - 20:22
المحور:
كتابات ساخرة
- اي حد بيفكر يدخل مصر عشان يشارك في مظاهرة للاخوان زي توكل كرمان .. يستحمل جزائه من الشعب ... وكمان الشرطة قالت انه هيعامل كجاسوس ... اللي يدخل مصر عشان يهدد امنها ويتدخل في شئونها ... هتبقي مقبرته.. مصر مقبرة الغزاة .
- هو أنا ينفع أتعاطف مع واحد بيطالب أمريكا إنها تضرب مصر وتحتلها ... هو أنا ينفع أتعاطف مع واحد بيتمني أن الجيش ينقسم ويبقا زي سوريا .... هو أنا ينفع أتعاطف مع واحد عايز يولع مصر عشان هو سقط من علي كرسي الحكم ... هو أنا ينفع أتعاطف مع واحد بيحلل دمي وبيقول عليا كافر ... هو انا ينفع اتعاطف مع حد بيعمل تفجيرات وبيموت ابرياء وبيضرب رصاص على الجنود المصريين ... مش هتعاطف مع واحد ارهابى لو كنت وقعت في ايده ماكانش هيتردد لحظة في انه يخلص عليا .
- حوار بين المرشد واخوانى :
مرشد الاخوان : فجرتوا مديرية الامن فى المنصورة
الاخوانى : أيوه فضيلتك ..
مرشد الاخوان : طيب وتفجيرات رفح والعريش
الاخوانى : حصل فضيلتك ..
مرشد الاخوان : طيب فهمتوا الناس يقولوا إن ده شغل أمن الدولة وعاوز يلبسها للإخوان
الاخوانى : اللجان شغالة بتوجيهات فضيلتك
مرشد الاخوان : طيب قوم بينـا يا بنى نلحق الصلاة .
- مسيرة فيها 2000 واحد ... يموت منهم 200 و يتعور 4500 ... لا تخرج قبل ان تشكر قناة الجزيرة .
- الاخوان فى رابعة طردوا كل المراسلين المصريين والعرب وسابوا مراسل اذاعة الجيش الاسرائيلى وطبعا المراسل الاسرائيلى عمال يعمل لقاءات معاهم حتى ان فيه قيادى اخوانى قال انا مستعد اتعاون مع اسرائيل من اجل رجوع مرسى .
- حالات القتل التي تحدث برابعه هي من تدبير قيادات الاخوان .. يقتلون شبابهم ليتهمون الجيش والشرطة .
#بطرس_رشدى_جندى (هاشتاغ)
كيف تدعم-ين الحوار المتمدن واليسار والعلمانية
على الانترنت؟