كلمات عامل عاشق

عمر منصور يعكوب

الحوار المتمدن-العدد: 4079 - 2013 / 5 / 1 - 21:47
المحور: الادب والفن
    

حبيت يا ناس فرس اصيل
ماله خيال
فرس تسلب سلب الكلوب
و تبهر الانظار
فرس ب دكه رجله يروح الليل
و يضوي ضوه النهار
100 زلمه هي
و للنساء قبله و كعبه و دار
لا طير و لا عصفور و حتى الصكر
فوك راسه ما طار
و شلون يطير و هو يتمنى بليه جناح يمه
و سوالف كل يوم يسولف اله
شلون يطير و اذا شم عطره
نسى حتى المطيار
يا شهكه بكلب الزلم ما صار قبله و لا صار
خصر ,,, انحت بيد الواحد القهار
نهد ,,, تكول مشى علي الذو الفقار
جذع نخله الكل بي حار
صدك من كال
يطي ربك و اذا اطى
لا تسئل عن سبب و ما تعرف الاعذار
اهجس نار يا ناس نار تحرك نار
هم تعشك الي جان مثلي ؟؟
و هي عالي القدر
و اني كل يوم تلعب بيه الاقدار
هي الجمال
و اني ,, لا
هي الطير الي خلقه ربك ب سما
و اني النقطه السوده ابجنحا
هي اذا مرت الكل يكول الله
و اني اذا مريت يكولون عسى ما مر عسا
هي الشجر و الزهر
و النور الي يداين القمر
و الشمس منه تبدي
و بعدين للناس تظهر
و اني الخسوف و الكسوف
و سواد اكثر
هلي الهلهوله و الفرحه و عرس و غنا
و اني الفاتحه و النوح و كلمه احا
هي الطفل لمن يجي و سعدا
و اني اليتيم بيوم غبرا
هي اللولو ماله سعر
و محد يكدر لشروا
و اني ,, الي ما ينباع و لا يهدا
هي النهر يشك الصخر
و ماله حد ,, لا تكولون الجرف حدا
و اني من الصغر كل يوم أبلوا
هي العقل للعقل حكمه
و حتى الحكمه تعدا
و اني الجنون للمجنون وفد امشي
و ماكو مجنون غيري بحبه اتحدا
هم راح تعشك يا كلبي عالي القدر
يا كلبي اخاف اتيه
و اكيد اتيه الي مثلي
ما يعرف يندل مثل هيج اثر

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل