كم جميله تلك القيم عندما تكون فقط كلام

عمر منصور يعكوب

الحوار المتمدن-العدد: 4062 - 2013 / 4 / 14 - 23:10
المحور: الادب والفن
    

قيم ,,, عاد و النعم لمن يحجون بهل القيم
يزامطون و يسولفون و الي يشوفهم يصدك زلم
ياريت جانوا بس رعيان هم جان كلنه ارحم
...
اشو همه الرعيان و همه الغنم
شيوخ عليهم الاعتماد للمسؤلين رايحين بيدهم الفايلات
فايلات التعيين تره و الا بفلوس
مو فايلات واحد انظلم
و يبوسون الايادي و يكولون سيدي فدواك بلجن جره قلم
سيد و مولاي يصيحوا و شيخ جامع عمامه 10 قدم
و افعالهم ,,, مو افعال دين و ديانه لا والله
افعالهم ما يسويه الي يعبد صنم
يمي يكعدون و يهوسون ,,, محتل ,, خونه ,, كفره
و تاليهم خيرهم للمحتل يصيرون خدم
شحلاته القيم لمن تصير بس كلام
مثل العكال براس و مسدس و خنجر بلاحزام
و لمن يجد الجد
بلبيوت حجر يصيرون و احترك و صار فحم
و هل اللسان شطوله مثل السيف على الخوان
و افعالهم تكسر العظم
ترا مو عظم غريب لا والله
بس عظم ابن العم
و لمن يجي الغريب
تكول حرير و هم انعم
ضاعت القيم ,,, تاهت القيم,, ماتت القيم
مع الاسف ترا مو بس عند زلم
ترا نسوان ما يختلفون هواي
اول ما يسوون يقطعون صله الرحم
و بدال الامانه و الكرامه و الغيره,,
يحشون ببطونهن جذب ,, و نفاق ,, غدر ,,
و لمن تكلهم على شي ,, تكول محشمهم حشم
خلي اكول شي ,,,
يمكن الله للنسوان ما افتهم
جان لازم يكول حق المرأه مرتين اكثر من حق الرجال
و صدكوني هم راح يكولن الله للمرأه ظلم
يابه على كيفكم ,, تره النهار كله يشكه و الصخر يحفر لاهله
و الشمس و العرك وجه صخم
اي شكو بيه مو هو الرجال لعد ,,, و الزوليه شحلاته بلبيت ادفي
بس ترا هم تنداس بلقدم
و نبقه نكول ,,,,
ارفع العلم
نزل العلم
و ناس تاكل هوا
و ناس بعدهم عايشين بلعدم

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل