ومن كتر البصيرة عميت .. فى ميادينك

على الشامى

الحوار المتمدن-العدد: 4012 - 2013 / 2 / 23 - 16:05
المحور: الادب والفن
    

ومن كتر البصيرة عميت
... فى ميادينك
بلف وادور
لعلى فى يوم
الاقى رغيف وحرية
لعلى لما احلملك
ماقوم منفوض
واقول يارب يا ساتر
مانيش زعلان
فى انك يوم من الايام
كتبتيلى حروف اسمك
على كتابى
فى شيله تقيلة على كتفى
ندهتيلى فى عز البرد
قبل الشمس ماتشاور
وقلتى فى صوت كما الخمرة
كانه كمان
- ملانى حزن -
اقف ددبان
ودبدب ادام العلم
وشق الارض
فقلتلك المراد دا كبير
وانا قلبي يساعك اه
لكن رجلى بقت عصيان
كما العصافير
من الطوابير
لكن مقدرش ع العصيان
ورجفة اسمك الحلوة
تدفى القلب
وتملا الروح
غنا ومزازيك
وغنى كمان وانا هديك
فاقول حاضر
وانا بقالى سنين واقف
مخدتش شي
ولا عاوز
لكنى اليوم لمحت بعيد
شعاع خاطف
وسكسوكة
و جفن حديد
يغمض
يظبط المسافات
وينظرلى
افوق واقول
لكن دا بعيد
ميقصدنيش
مينفعشى
دا مش ممكن
دا مش معقول
ابص يمينى وشمالى
واصلى باسمك الغالى
على ترابك
كما النساك
مانيش مذعور
لكن زعلان
بحاول اجمع الصورة
اركز
والجميع هايصين
لكن مش لاقى غير الصمت
وبعد ثوانى كانت رعشة
من يومها و انا استبصرت
ومن كتر البصيرة عميت
فى ميادينك

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل