نسرين بهمان
الحوار المتمدن-العدد: 4006 - 2013 / 2 / 17 - 18:26
المحور:
الادب والفن
(1)
فليلة ضلمة كان في عجوز
صحي من نومه على كابوس
فقام يصرخ على جيرانه
و ما حد اهتم ولا حد جانه
و إترسم على وشه لوحة حزينة
و وروده الدبلانة ملأت الجنينة
و انسدل الستار على حياته
و عاش وحيد مستني مماته
*****
(2)
يا اللي الفلوس مسار حياتك
ياللي ساجن ف جيبك زكاتك
ما تحسب لبكرة ف جيبك إيه
و عيش يومك و لو حتى بجنيه
ده الموت رفيق و بيدخل أي بيت
لا بيستأزن و لا بيقول أنا جيت
*****
(3)
قررت افرج عن أحلامي
و دونت قصائدي و أشعاري
و لملمت باقي أقلامي
و بحت بكل أفكاري
يمكن تكون شمس بتمحي...
ليل اليأس عن جاري
*****
(4)
احلم و إرمي الهم بعيد
و خلي أيامك كلها عيد
دي البسمة بتنور و شوش
و بتدي أمل للماعندوش
فلا تضيع يوم مع الدموع
و لا تبات ف يوم موجوع
دي حياتنا قطر و بيعدي
و ما بيقف و لا بيهدي
*****
#نسرين_بهمان (هاشتاغ)
كيف تدعم-ين الحوار المتمدن واليسار والعلمانية
على الانترنت؟