نسرين بهمان
الحوار المتمدن-العدد: 3894 - 2012 / 10 / 28 - 19:46
المحور:
الادب والفن
نفسي بلدنا تغير الإسود بالألوان
و كفانا بقى ف بعض هوان
يا بلدنا إلبسي الأبيض و الطرحة
تبقي عروسة ف يوم الفرحة
لا تنحني قدام الريح
مهما وقعلك ألف جريح
قومي يا بلد يا صبية
انهضي و خلليكي قوية
إرفعي عنك ستار الحزن
و كفاكي بقى شجن و جبن
خلليكي شابة صبية
ينحني لك رجالة و أفندية
ده نيلك اللي مزين جبينك
واللي بيوصل بيني و بينك
يساوي آلاف النجوم
ف زيحي عنك الغيوم
نيلك اللي بيجري ف عروقك
و شمسك اللي بتزين جفونك
ده هو جمالك يا حلوة يا بهية
و بيهم تبقي قوية و عفية
يا بلدنا قومي قبل م يفوت الأوان
اسمعي دي كلمة من قلب انسان
#نسرين_بهمان (هاشتاغ)
كيف تدعم-ين الحوار المتمدن واليسار والعلمانية
على الانترنت؟