إلي الرئيس- قصيده 0900

محمد حسين عبدالعزيز محمد

الحوار المتمدن-العدد: 3980 - 2013 / 1 / 22 - 14:35
المحور: الادب والفن
    

(0900)
زيرو تٍسعوميه
والسؤال أناأبقي مين؟؟
سؤال وحاير من سنين
سؤاله وله مليون إجابه
إجابه تعرفها الغلابه
ينطق بيها حال المساكين
أنا بقه- انا أبقي مين؟؟
أما تبقي الشمس طالعه
وتشوف نهارك كالغيوم
واما يبقي المصري إسمه
إسمه عنوان للهموم
واما يبقي لحمه أرخص
أرخص انواع اللحوم
لحم متعري ف هدوم
وأنا هدوم
ودوامي اطول م السنين
انا بقه-انا أبقي مين

أما أخلي كل همك ف الحياه
إزاي تعيش
صحه مفيش
تعليم مفيش
ليً عندك كل حق
وإنت عندي متساويش
يبقي قولي, إزاي تعيش
أما يبقي مص دمك
عندي غيه
وأما تموتو ف كل يوم
محدش يفكر ف ديه
وإما إسمك ف البطاقه
إسمك ضحيه
منتا عايش زي ميت
مش هتفرق
إيه هتفرق
هي هي
يبقي ساعتها إزاي تعيش!!؟

لأ هتعيش..
طول ما في لسه
عيش ومأدد
طول ما في لسه
جبنه قريش
عرفتوني ولا لسه
معرفتونيش!!!!

لما يبقي رمزي وشعاري
شعاري الهدد
وانصب وأعلق ف المشانق
لأي حلم بينولد
واما تبقي في سجن كبير
سجن إسمه-إسمه بلد
بلد ما يعرف قيمتها إلا
أولاد البلد
بلد مفيش زيه إتنين
أنا بقه- انا أبقي مين

لما بتعلم عيالك
دٌنيتنا دي دٌنيه حظوظ
وبالحدائه والفتاكه
علي أي شيء
تقدر تحُوز
مش مهم تبقي عارف
تبقي فاهم
المهم إنك تعوز
تفضل تعوز
مش مهم حرام حلال
يا عم فُكك ,بلا ضرب بوز
مش إحنا عوزنا
وبعوزنا فوزنا
بأمارة إيه إنت تفوز

لما أبقي زي البهلوان
في اليوم بغير
الف وش
وأول درس من كتابي
إزاي هتسرق
وكيف تغش
ومن رزقكوا ورزق عيالكوا
زي البهيمه,
افضل أحش
ولو إتزنئت ف خانة اليك
مدام معايا,
اكيد هتكش

لما أبقي ماضي مع الخيانه
عقد إحتراف
لمايبقي الفن هابط
رافع شعار الإنحراف
ومن فلسوكو للعهر أبني
ألف كعبه والف مطاف
المهم تفضل تلف
تفضلوا نايمين,
تفضلوا ساكتين
عرفتوني بقه-
أنا أبقي مين ؟؟

لما أبقي زي العنكبوت
ومعشش في دارك
لما أبقي زي السوس
وبينخُر جدارك
واما افرض عليكم جبايه
إسمها ضريبة عقارك
راجل ايوه وصاحب البيت
بس مش سيد قرارك
انا بقي انا أبقي مين
انا أبقي مبارك

#محمد_حسين_عبدالعزيز_محمد (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل