مرسى المفترس - هل سينجح بعزل اوباما وكلينتون؟؟

جاك عطالله

الحوار المتمدن-العدد: 3819 - 2012 / 8 / 14 - 00:48
المحور: العلمانية، الدين السياسي ونقد الفكر الديني
    

الشيخ مرسى طلع قرارات تعزل كل القادة العسكريين فى المجلس العسكرى وبعدين البيت الابيض وحسين اوباما طلع بعدها على طول بيان يقول ان امريكا تتطلع الى التعاون مع الفريق العسكرى الجديد اللى جابه الشيخ مرسى بعد ما شال العسكريين اللى جابوه زى ما بيعمل عبد المفترى فى كل اللى ساعدوه

والله بصراحة انا عارف ان امريكا هية اللى بتاخد القرارات الكبيرة وان مكتب الارشاد بيتبلغ بالقرار من ضابط الاتصال الخاص بالتنظيم الدولى للاخوان المسلمين فى واشنطن دى سى وهو اخوانجى امريكى الجنسية عضو فى فريق مستشارى اوباما السريين

اما الشيخ مرسى الكتكوت فهو اخر من تصله الرسائل كالزوج المخدوع اخر من يعلم و معلش ها اراضيه لحسن يعزلنى زى ما عزل طنطاوى وعنان مع انى ماليش وظيفة ميرى ولا ملكى لكن زى بعضه بدل ما يغضب عليه اراضيه بنكته



(((واحد اسمه بديع عنده كتكوت مفترس مسميه مرسى ، كل ما يدخله قفص الفراخ يروح الكتكوت واكلهم ، وفي قفص القرود ياكلهم
، وفي قفص القطط ياكلهم ، راح راميه في الصحرا . صعب عليه الكتكوت وراح يشوفه بعد تلات أيام، لقى الكتكوت مرمي عالأرض والنسور بتحوم حواليه ،
قاله : يا مرسى يا حبيبى انا اسف
حبيبي إنت مت ؟
قام الكتكوت شاتمه وقال له : يخرب بيتك ايه اللى جابك فى الساعة دى
بوظت الكمين اللى انا عامله للنسور
))))

وكل قرار وانتم طيبين يا مصريين وخوفى الاخير انه يطلع قرار يخلص على المصريين المعارضين له وللاخوان قبل ٢٤ اغسكس القادم ويجيب بدالهم بتوع حماس عشيرته وقرايبه .

واخيرا بصراحة شديدة لازم اوباما يخاف على نفسه وعلى امريكا من مرسى الكتكوت المفترس باقولها لانى خايف مرسى بعد ما عجبته شغلانة عزل الاقوياء يقل عقله و يروح مطلع بيان يعزل فيه حسين اوباما وهيلارى كلنتون ووزير الدفاع الامريكى ويجيب اخوان مكانهم ما هو عملها مع كل اللى ساعدوه ووصلوه للسلطة والكلام لك يا بديع و يا خيرت الشاطر

#جاك_عطالله (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات