مصيده الكعبه

اسامه البدري

الحوار المتمدن-العدد: 3712 - 2012 / 4 / 29 - 01:41
المحور: العلمانية، الدين السياسي ونقد الفكر الديني
    

طالعتنا الصحف ان الحكومه السعوديه قامت باغلاق السفاره السعوديه في القاهره و المكاتب التابعه لها في المحافظات و
استدعاء السفير السعودي لبحث امور هذه البلد الغريبه اللي اسمها مصر
و الحكايه يا اخوه يا كرام ان السعوديه بارك الله فيها قبضت علي واحد مصري بيدافع عن اهله المصريين اللي اتبهدلوا في السعوديه و هما بيزوروا بيت الله و طبعا في نظر السعوديه دي قله ادب و عدم احترام من هذا المصري اللي بيدافع عن اهله المصريين لان هذا المصري لابد ان يقوم بفروض الولاء و الطاعه للعرش السعودي ولا يعترض علي اي قرار من المملكه ضد اهله لكنه تجرأ و حاول يجيب حقهم .
فوجدنا ان النظام السعودي قال مدام الراجل ده مسلم يبقي مسيره حيجي يحج او يعتمر و لو مجاش نبقي نجبله عقد في السعوديه معا كفيل من بتوعنا اللي ياكلوا مال النبي و يحلوا بالصحابه و قد كان يا اخوه يا كرام الراجل راح يعمل عمره و اخد الفيزا و راح بيت الله الحرام اتمسك و احنا عارفين ان من قصد بيت الله فهو امن و طبعا الكلام ده لو بيت الله مش في السعوديه لو كان في بلاد الواء واء كانوا احترموه لانه في ضيافه المولي عز و جل اما في السعوديه فهو في ضيافه العرش السعودي الذي يملك الكعبه و كل الاماكن المقدسه و يعمل اللي هو عايزه فيها بدون ادني احترام لقدسيه المكان و لبسوا الراجل قضيه مخدرات و المصيبه اللي انا مش فاهمها الراجل رايح يعمل عمره واخد معاه مخدرات ليه؟ يعني لو سألت المسؤلين في السعوديه احتمال يقولك اصله جي يعمل عمره بمزاج او بيطلع مصاريف الرحله احتمال الله اعلم. . رغم ان المخدرات مالية البيت السعودي اللي بيحكم والويسكي واللذي منه من الصبايا الحور والغلمان اللي زي الؤلؤ المنثور.

• فالشعب المصري قامت قيامته علي هذا التصرف السعودي و صمم ان ان مفيش واحد مصري يتهان من هنا و رايح في اي حته في الدنيا طبعا السعوديه زعلت و قفلت السفاره و استدعت السفير. طيب يا سعوديه يا ام الاسلام مشوفناش سيادتك اتحمقتي اوي و وشك احمر و قفلتي السفارات في البلاد اللي شتمت في الاسلام و لا البلاد اللي عملت صور مسيئه للرسول لا انتي ولا دول الخليج العصبي قصدي العربي موركوش حاجه الا بهدلت البلاد اللي حوليكوا و زرع الفتنه في اراضيهم و بين شعوبهم ولا الموضوع بقي يا سعوديه هانم اان مصر رفضت بناء علي طلب ملك السعوديه انها تسلح المقاومه السوريه اللي انتوا واقفين وراها و اما انتوا عايزين مصر تسلح المقاومه في سوريا انتوا ليه موقفتوش معا الثوار في مصر و اخدتم جانب حسني مبارك وشله الحراميه اللي حواليه؟ ولا يمكن انتوا عندكم قرآن خصوصي بيقول اطيعوا أولي الامر ولو كانوا فاسدين؟ عارفين ليه يا سعوديه و يا دول الخليج انتوا بوشين؟ لانكم دائما و ابدا ستظلون الوجه القبيح للاسلام و المسلمين و شويه البترول اللي عندكوا مصيره يخلص و ترجعوا للشباشب و الخيام مره اخري و لو فضل شويه جاز ابقوا اشربوه بدل بول البعير.و انا باقول لكم إنتوا ما تقدروش تفتحوا بقكم في وش اسيادكم الامريكان واسرائيل كمان. واحنا والله بنحبكم وعايزنكم تبقوا محترمين وتعملوا ثورة وتحصلوا العالم المحترم. مش برضه كل العالم اللي ما تقدروش تفتحوا بقكم ضده عمل ثورات زي أمريكا وفرنسا والصين وروسيا. أعلموان دول الحضارات هي دول الثورات لكن حكومات سماع كلام أولي الامر أصحاب المؤخرات الكبيرة و الكروش العظيمه ولو كان معاها نفط وفلوس مش هتنفعها في يوم القيامة اللي هتلاقوا فيه ربنا بيحرق فيكم علشان بند واحد في فاتورة الحساب وهو بند الاخلاق. المقصود بالسعوديين العائلة المالكة وليس الشعب السعودي فالشعب غلبان وبيتهان من حكامه زي ما كان مبارك بيعمل في شعبه، إمال هما كانوا سمن علي عسل ليه؟ قصدي مش عارف ايه في لباس. اصلي مؤدب.
•

. و لكن دايما اعلموان دول الحضارات لا بيفرق معاها بترول ولا فلوس بيفرق معاها الاخلاق فقط .
اسامه البدري

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل