أخبار عامة - وكالة أنباء المرأة - اخبار الأدب والفن - وكالة أنباء اليسار - وكالة أنباء العلمانية - وكالة أنباء العمال - وكالة أنباء حقوق الإنسان - اخبار الرياضة - اخبار الاقتصاد - اخبار الطب والعلوم
إذا لديكم مشاكل تقنية في تصفح الحوار المتمدن نرجو النقر هنا لاستخدام الموقع البديل

الصفحة الرئيسية - اليسار ,الديمقراطية, العلمانية والتمدن في العراق - علي ابراهيم صافي - القمة الصبح














المزيد.....

القمة الصبح


علي ابراهيم صافي

الحوار المتمدن-العدد: 3673 - 2012 / 3 / 20 - 22:26
المحور: اليسار ,الديمقراطية, العلمانية والتمدن في العراق
    


القمة الصبح
الساعة السادسة صباحاً ينهض القائد متثاقلاً ,متثائباً , يفرك عينية, بينما يدة تمتد تلقائياً
ليسكت منبة الساعة الذي يصرج بصوت مرعب, فوق منضدة صغيرة محاذية لسرير نومة. الغرفة تبدو كبيرة بعض الشئ والسرير يشغل مكاناً لابأس به من مساحة هذة الغرفة الملكية. الستائر بلونها البني وتموجاتها الواضحة تغطي شباك وحيد و كبير يطل على حديقة غناء كانت في وقت مضى احدى دور اللهو لاابن الاكبر للرئيس السابق(يقال انة نفس المكان الذي قتل فية السيد كامل حنا بعصا كهربائية من قبل أبن الرئيس). القائد كان وحيداً في هذة الغرفة ويبدو من خلال اثاثها وبعض حاجيات القائد انها غرفة اقامة مؤقتة , بل ان بعض الاثاث يغطية الغبار. هناك لوحة كبيرة معلقة على الجدار المقابل لسرير النوم تبدو فيها مجموعة خيول وفرسان وسيوف والجميع في حركات قاسية . بعد ان عثرت يد السيد على منبة الساعة ليسكتة, دخل احد افراد الحماية وهو يمشي بهدوء وحذر يبدو انة غير متأكد من ان القائد قد صحى من نومة رغم ذلك الصريج العالي لمنبة الساعة. اذ انة يحدث احياناً ان السيد يمد يدة بشكل لاارادي وهو نصف نائم ليسكت المنبة ويعود بعدها غاطاً في نوم وشخير واحلام وكل شي وكلاشي. وبعدها تنزل صاعقة التوبيخ على الحراس والحماية لاأنهم لم يوقظوة. لذلك كان الحارس هذة المرة وبحذر يحاول ان يتأكد من صحو او عدم صحو قائدة ليقوم بعد ذلك بواجبة المعتاد من تهيأة الملابس الداخلية والمناشف الكبيرة وبعض العطور والكريمات . ليسير ببطء خلف قائدة ليدخل قبلة بثوان ليجهز له
الحمام الصباحي. ويذهب بعدها لجلب سجادة الصلاة ونسخة كبيرة من القرأن . عندما تسير الامور بشكل اعتيادي يكون السيد قد فرغ من الحمام والصلاة في الساعة السابعة, ليدخل بعدها في بهو صغير محاذي لغرفة النوم ليتناول فطورة مع رزمة كبيرة من الاوراق وبعض التقارير السريعة . القائد يبدو انة قد نهض من فراشة الوثير واخذ يعدل من نظارتية ليرى مايدور حولة اذ ان الغرفة لاتزال مظلمة بعض الشئ رغم ان الجو في الخارج يبدو لطيفاً ويشئ بنوع من البرد في ذلك الصباح الربيعي من صباحات بغداد. فرغ القائد من حمامة وانتهى من صلاتة التي غالبا ما يقضيها بعد بزوغ الشمس وهو يتمغط كقط كبير تحت لحافة السيرة اللماع. بعد ان فرغ القائد من تناول فطورة المكون من طبق بيض وشرائح لحم خفيفة, بالاضافة الى عصير البرتقال الطازج, وخبزاً محلياً حارًا. هذا الفطور هو خليط من نمط انكليزي كان القائد قد تعود علية اثناء وجودة في المنفى اذ انة يكاسر هذا الفطور الانكليزي ببعض الفطور العراقي من باقلاء وبيض وفحل بصل أبيض كبير. اين التلفون زكح القائد بصوت لازالت خيوط القهوة السوداء تترك اثارها على بلعوم سيادتة.
هلو... هلو
هاي شبيج انة انة , شنو ماعرفتي صوتي؟
لالا... بس جنت شوية غافية... خير شكو؟

شلونكم الاولاد نايمين راحوا للمدرسة بعدهم؟
_ يا مدرسة ... هسة نودي على المعلمين وهمة يجون
_ اي هم صدك... البيت جبير وشكو رايحين بسيارة وراجعين بسيارة
_خوش انة اليوم كلة راح اكون مشغول ويمكن حتى ماأخابر
_ شل قصة مو القمة بعدهي؟
_اي بعدهي بس غير نتهيأ , تعرفين هاي اول قمة داعيج ايسويها
_اكلك صدك منو يجي ملوك أمراء شنو وياهم نسوان ...؟ خاف زحمة!
_ لالا ... لاملوك ولا رؤساء , زين من يجون وكلاء وزرات. هم نقبل
ياللة لازم اشوف شغلي هسة السلام عليكم.
_ مع السلامة... مو تنسى اللة عليك اذا اجت زوجت أمير لو ريس مو تخليها سكتة
شنو هم احسن من عدنة.
_ شوف هاي ... هم مصدكة شنو انتي ديانا من حشا نعمة اللة.
مع السلامة. طيط ...طوط ... طوط.
بعد ان قفل الخط وضع القائد تلفونة المحمول على الطاولة, وأخذ يقلب بالاوراق التي امامة.
عقيد نعمة مو كلنالكم سدوا الشوارع كلها
_ نعم سيدي سديناها
_ هاي شنو شو بهذا التقرير مكتوب بس 5 بالمية من الشوارع شغالة
_ نعم مظبوط سيادتك ,ا لباقي نسدة كبل القمة بيوم
_ ولك هاي جنها هوسة صارت , هاهاها اخوتي ها: الباقي نسدة كبل القمة بيوم ... الباقي نسدة ههههههه هههههههه ضحكتني ولك.
_ لا وشنو هاي ال...هههههههه مالتك جنها مال الفيس بوك خخخخخخخخخخخخ
_ عقيد نعمة بس لاانت كاضيها عل فيس النهار كلة ؟؟!!
_ لا واللة عن حلفت اللة ... نوبات بس اطب واطلع اشوف شكو ماكو
_اكول نعمة: شنو تحضيراتنا كملت ما عدا الخطة الامنية والخمسة بالمية الباقية
الباقي كلة تمام
_ نعم سيدي كلشي تمام , وبعدين هية القمة كلها تكتل روحها تلث ساعات
_ ولك شنو تلث ساعات هية بس ناخذ صور تلث ساعات
_ هم زين مو القذافي هنا اللة يرحمة, جا شيخلصنا وين انحط خيمتة
بهاي الكبارة مالت التراب, جا صار بية منصف وهو اللة ايرحمة شكلة مو يعني من حشا خلقة اللة.
_ كافي موانطيناك وجة وهاي غيبة, كلي التحضيرات الباقية شلونها؟
_ سيدي مو كلنالك هي كلها تلث ساعات وحتى لو ايمددونها وتصير بلنتيات هم روح تلث ساعات ونص. كهرباء موجودة, ماي ظال للستار, شنو بعد ورد وكلينس وسجاجيد وكهوة
وبيارغ... بيارغ اههههههو العفو سيدي يا بيارغ
_ كافي لاتملص روح جيبلي كهوة والتلفون الثاني الساخن وتعال
_ ليش ياستار الساخن تخابرمن تريد امن الصبح
_ لا ردت بس اكول لجماعتنا بايران و امريكا اذا محد يجي شنسوي؟
_ كلشي مانسوي , بس نسويها ظلمة على الهاشمي من جديد و.....



#علي_ابراهيم_صافي (هاشتاغ)      



اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين
حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل


كيف تدعم-ين الحوار المتمدن واليسار والعلمانية على الانترنت؟

تابعونا على: الفيسبوك التويتر اليوتيوب RSS الانستغرام لينكدإن تيلكرام بنترست تمبلر بلوكر فليبورد الموبايل



رأيكم مهم للجميع - شارك في الحوار والتعليق على الموضوع
للاطلاع وإضافة التعليقات من خلال الموقع نرجو النقر على - تعليقات الحوار المتمدن -
تعليقات الفيسبوك () تعليقات الحوار المتمدن (0)


| نسخة  قابلة  للطباعة | ارسل هذا الموضوع الى صديق | حفظ - ورد
| حفظ | بحث | إضافة إلى المفضلة | للاتصال بالكاتب-ة
    عدد الموضوعات  المقروءة في الموقع  الى الان : 4,294,967,295
- من قتل أبنائنا؟


المزيد.....




- بآلاف الدولارات.. شاهد لصوصًا يقتحمون متجرًا ويسرقون دراجات ...
- الكشف عن صورة معدلة للملكة البريطانية الراحلة مع أحفادها.. م ...
- -أكسيوس-: أطراف مفاوضات هدنة غزة عرضوا بعض التنازلات
- عاصفة رعدية قوية تضرب محافظة المثنى في العراق (فيديو)
- هل للعلكة الخالية من السكر فوائد؟
- لحظات مرعبة.. تمساح يقبض بفكيه على خبير زواحف في جنوب إفريقي ...
- اشتيه: لا نقبل أي وجود أجنبي على أرض غزة
- ماسك يكشف عن مخدّر يتعاطاه لـ-تعزيز الصحة العقلية والتخلص من ...
- Lenovo تطلق حاسبا مميزا للمصممين ومحبي الألعاب الإلكترونية
- -غلوبال تايمز-: تهنئة شي لبوتين تؤكد ثقة الصين بروسيا ونهجها ...


المزيد.....

- التقرير السياسي الصادر عن اجتماع اللجنة المركزية الاعتيادي ل ... / الحزب الشيوعي العراقي
- التقرير السياسي الصادر عن اجتماع اللجنة المركزية للحزب الشيو ... / الحزب الشيوعي العراقي
- المجتمع العراقي والدولة المركزية : الخيار الصعب والضرورة الت ... / ثامر عباس
- لمحات من عراق القرن العشرين - الكتاب 11 - 11 العهد الجمهوري ... / كاظم حبيب
- لمحات من عراق القرن العشرين - الكتاب 10 - 11- العهد الجمهوري ... / كاظم حبيب
- لمحات من عراق القرن العشرين - الكتاب 9 - 11 - العهد الجمهوري ... / كاظم حبيب
- لمحات من عراق القرن العشرين - الكتاب 7 - 11 / كاظم حبيب
- لمحات من عراق القرن العشرين - الكتاب 6 - 11 العراق في العهد ... / كاظم حبيب
- لمحات من عراق القرن العشرين - الكتاب 5 - 11 العهد الملكي 3 / كاظم حبيب
- لمحات من عراق القرن العشرين - الكتاب 4 - 11 العراق الملكي 2 / كاظم حبيب


المزيد.....
الصفحة الرئيسية - اليسار ,الديمقراطية, العلمانية والتمدن في العراق - علي ابراهيم صافي - القمة الصبح