فاكره؟!!

روبرت ميلاد فهمي

الحوار المتمدن-العدد: 3390 - 2011 / 6 / 8 - 21:43
المحور: الادب والفن
    

.فاكره

فاكره لما سبت حياتي وطلعتلك

فاكره لما تعبت واتسحلت

علشان صوتي يوصلك

فاكره كنت ايه بقولك؟

فاكره صوتي لما غنيت لجمالك

فاكره ايدي لما رسمت احلامك

فاكره روحي اللي راحت عشانك

فاكره ازاي استنيت مجدك يكسر احزانك

طيب فاكراني انا ولا نستيني

فاكر ازاي حبيتيني

من غير حتي ماتساليني

عن لوني او عرقي او فكري

او ديني....؟

فاكره ازاي كنتي الاولي والاخيره .الكبيره والصغيره

فاكره ازي كنتي في قلبي.. مهما كنتي متاخره

طب لو فاكره؟

اديني اماره

غمزه. فكره .امل.او صيد في صناره

قولي لي فاكره .

مش محتاجه شطاره

قولي لي لسه ابني...مهما كانت ايامنا غداره

وشاوري لاخويا عليا

يمكن نسي اللي جري

يمكن نسيني وانا سايح في دمي

يمكن نسي انك بردو امي


يمكن نسي .

لما كنت جنبه مرمي

يمكن نسي شكلي وانا سايح في دمي

ارجوكي فكريه بيا ياامي

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل