سامحني ياابويا

روبرت ميلاد فهمي

الحوار المتمدن-العدد: 3297 - 2011 / 3 / 6 - 19:16
المحور: الادب والفن
    

سامحني يابويا

اصلي انا عصيتك ونزلت المظاهرات

سامحني يابويا

اصلي بطلت السكات

وكرهت منعي احلم

وخلصتي جوايا الحلول

وفضيت قدامي الابيات

فاكر يابويا قد ايه خفت عليا منهم

فاكر استحلمنا قد ايه منهم

فاكر ياابويا لما اتظلمنا وجوعنا واتهنا منهم

فاكر ياابويا قلتلي ايه عنهم

اقويا وميعرفوش ربنا

واهو جه اليوم اللي ربنا انتقم منهم

سامحني يابويا غصب عني نزلت

سكت مره واتنين واستحملت

وقولت عادي ماهو مضحوك عليه

ريس وكبير وفيه كتير حواليه

وكلهم كدابين ومغمين عينيه

بس خلاص يابويا

كفرت قرفت

وفكرت وانا هاخسر ايه؟

منا لسه عاطل.من ساعه ماتخرجت

جواز و وظيفه و مستقبل .اتاخرت

دراسه ودرست

جيش وخدمت

وحتي لما رضيت

اتظلمت

فتعبت يابويا تعبت

تعبت من فساد وغلا ومحسوبيه

تعبت من رشوه و ذل وناس مستقويه

تعبت من تمثيليه ورا تمثيليه

تعبت من قولتي الاه

ومحدش حس بيا

سامحني يابويا انا نزلت وعملت اللي عليا

سامحني دي مسئوليه

خلاص يابويا ارتاح

ومتخافش تاني عليا

اصلي البعبع

اللي من 30 سنه

غار وغارت معاه الحراميه

ولما غار ياابويا اتعلمت تاني يعني ايه وطنيه

اتعلمت اللي معلمتهولنيش

كل السنين وكل الورق

وكل الدروس الخصوصيه

خلاص ياابويا ارتاح

مصر خلاص من تاني جايه

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل