مصر وأحوالها على تويتر ؟؟

جوزيف شفيق

الحوار المتمدن-العدد: 3349 - 2011 / 4 / 28 - 07:07
المحور: مواضيع وابحاث سياسية
    

عندما تضيق الشعوب بأكاذيب الصحف بأنواعها من الحكوميه إلى أقصى المعارضه كانت ولا تزال أبواب و حوائط الحمامات العامه فى المدارس والجامعات والمصالح الحكوميه عباره عن جريدة شعبيه تُعبر عن المواطن المصرى فعلى سبيل المثال لا الحصر : لأول مره أقرأ عن التوريث كان فى جريدة حمام المدرسه و هو سبق لم يسبق الحمام فيه أى جريده أو أى معارض

وبمرور الزمن ودخولنا إلى عصر العولمه والإنترنت , ظهر إلى الوجود " تويتر " وهو يعتبر التطور الطبيعى لجريدة الحمام وأوجه الشبه بينهما كثيره جداً و أهمها فى رأيى هو أن كلاهما يعتمدان على كتابة جمله موجزه وقصيره وفى نفس الوقت مكثفه فكرياً

ولنتصفح بعضاً من تويتات الجريده الشعبيه الأولى الآن

- حد واخد باله ان البلد الوحيده اللي مافيهاش ولا اي مسئول استقال طول فتره الثوره هي مصر_واضح ان العصابه عندنا متشعبه.. فتاه من الصعيد

- ليه مفيش مرشح رئاسة يساري ؟.. الظاهر كلهم متجوزين أجنبيات ولحنا مش داريين..هانى رسمى

- لو تم فتح باب الجهاد لدعم الثوار العرب ، ارغب في التطوع مع الشعب السعودي ، حيث ازاحة آل سعود يختصر الطريق كثيرا لعالم عربي ديمقراطي.. جمال عيد

- استيقظوا ، إنهم يلبسونكم الطاسة .. علياء جاد

- أكبر ثغره فى الثوره دي انها مأخذتش مبني التليفزيون وسابته يرجع أقوي أداه تلعب بعقول الجهله فى إيد أي واحد مستموت علي السلطه .. داليا حسونه

- والعلاقة بين الاخوان والمجلس ناقصها اربع شهود وخيط .. وائل عباس

- ليه لما طلعوا اقباط المقطم وقطعوا الاوتوستراد انضربوا بالنار ومات عشرات على العكس 9ايام على قطع القطارات فى قنا ولم يحدث شئ .. مايكل

- سؤال"شبه"بريء هو مش سمير رضوان "وزير مالية الثورة"كان عضو في لجنة السياسات ومن اقرب المستشارين ليوسف بطرس غالي ؟ .. أحمد سامى

- فيه كاتب محترم (بلال فضل ) يكتب : أؤمن بضرورة أن يكون على الكلام جمرك ؟؟؟ .. وائل عباس

- هو ايه حكاية مظاهرة تاييد الجيش اللى عند المنصة كل يوم جمعة..هو المجلس العسكرى بيتفائل بالمنصة اوى كده..ربنا يكرمهم .. رشا عزب

- طيب عصام شرف سايب الناس بتغلى فى قنا وهو رايح يتمرقع ويرد الجميل؟؟هو ده وقت رد جميل؟لما تنتهى الثوره على خير ابقى نرد الجميل ده.. ياسر على

- الثوار الحقيقيون هم اللذين يساندون القوات المسلحة في إدارة البلاد -- إعلان على لافتة على طريق المحور.. أه زى نوارة نجم كدا وشباب الائتلاف اللى معاهم موبايل الجيش .. أحمد ناجى

- دور مصرفي ازمه ليبيا دور ضيف شرف. الأمريكان والاوربيون هم اللاعبين الأساسيين ووزير الخارجيه بتاعنا سايب ليبيا وبيتكلم عن العلاقات مع ايران .. نجاد البرعى

- انتو هتمثلو ولا إيه ؟ ده عدد لواءات الجيش والشرطة اللي مسكو محافظين يتفوق على عددهم في الشطرنج! ولا إنت أخدتو على كدة ؟ وبقى دة السيستيم!؟ .. سلمى الدالى

- هوا انتوا متعرفوش ان الجيش شايف محمد حسان من الشخصيات القانونية المحترمة؟ .. خالد عمر

- الكرة دلوقتى مع المجلس العسكرى.. يبصيها للاخوان ..تمريرة للسلفيين..السلفيين فى شوطة جامدة من نص الملعب ..جون فى المقص وشرف طار ومسك الهوا .. رشا عزب

- طب ايه رايك محمد حسان وصفوت حجازي يروحوا طرة يفهموا عز والعادلي ان كدة غلط وماتعملوش كدة تاني ونتصالح؟؟.. عماد ابراهيم

- حكومة شرف معندهاش شرف و ياريت يغورو عشان البلد عايزة حكومة بجد قوية بتعرف تأخذ قرار و موقف .. دينا ناجد

- هذه الأيام التليفزيون يستضيف كثيراً أطباء النفس وكأننا ليس عندنا «ثورة» ولكن عندنا صرع .. جلال عامر

- أين تعليق نبيل العربى على مجازر أهلنا فى درعا و غيرها من مدن سوريا .. ما هو الموقف الرسمى لحكومة شرف مما يجرى هناك؟ .. تامر موافى

- الكوميديا العبثية ف مصر: العادلى يحاكمه قاض صارم عادل فى قضية الاموال.. ويحقق معه قاض "لامؤاخذة" فى قتل الشهداء .. ايهاب

- سبحان الله الارتجاج ده بيجي مع معاد نقله انا حاسس بعد شوية حيقولو راكبه عفريت ولما يخلصوا حجج حيقولوا عنده الهسهس .. محمد حسين

- هو المجلس العسكرى مش عارف يروح قنا من غير القطر ولا إيه ؟؟ .. محمد غندور

- العدالة البطيئة ظلم .. وفى رأيى العدالة البطيئة أشبه بـ"العاهرة"التى تنوى التوبة و لا تسلك طريقها .. حبيبه حلمى

- لايجدى أن تقتل البعوض واحدة واحدة بينما تترك المستنقع الذى يتوالد فية تحت شرفتك .. رفعت السعيد

- الليبرالية مش معناها نقلع امك الحجاب لان مستقبل مصر مش مرهون بشعر امك .. بينكو

- لو حجة ان اخر محافظ مسيحي لقنا كان وحش منطقية، يبقى رئيس مصر القادم مينفعش يكون مسلم .. نصرى عصمت

- خدوا دي كمان : في عصر ثورتكم منعوا كتاب النبي لخليل جبران من دخول مصر .. وائل عباس

- هو لية مشفتش مرة الاخوة السلفيين بيتكلموا ازاى نخلى الا قتصاد والزراعة احسن فى السنيين الجاية .. شهير جرجس

- فهمي هويدي قال على الشباب...الي هما شباب الثورة..انهم هواة...وهو مفجر الثورة يعني...فهمي هويدي هو ادمن خالد سعيد.. وائل ملح

- الناس خبيتها السبت والحد وانا خيبت جوزي الجمعه 11 فبراير .. سوزان ثابت

- عن بعثه تقصي الحقائق التي ارسلناها الي قنا ، السبب الاساسي لرفض المحافظ انه مسيحي السبب الفرعي انه ضابط .. نجاد البرعى

- أتوقع أهالي الجولان ما رح يرضو ينضمّو لسورية بعد اليوم..بيقولو بعقلن اسرائيل ما قتلت مننا في40سنة قد ما قتل بشار في40يوم .. أنس علوان

- "هى الناس ليه بتخاف الشريعة كما لو كان الاسلام متعطش لتطبيق الحدود”من اللي بنشوفه فى السعودية و ايران .. بثينه كامل

- بشرى سارة: ف 26أبريل 3% انخفاض في قمة الجنيه أمام الدولار و 15% أمام اليورو منذ 25 يناير. الجميل بقى ان فيه زيادة 15% في سعر طن القمح .. أحمد سرحان

#جوزيف_شفيق (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل