موتت محب

حيدر صبي

الحوار المتمدن-العدد: 3193 - 2010 / 11 / 22 - 03:56
المحور: الادب والفن
    

ضايع ولاجنك ضعت
وتايه وادري تيهت
وساكت تره .. وسكتتي صرخه تراها بكل وكت
ناطور الك آنه جنت
وبحبك آنه تمرمرت
ردتك تظل اعله العهد
متكلي جا وين الوعد
محسود أنه وياك .. وحظي كعد
ويامن كعد
كله صفت تنهش بلحمي بمستحد
وظليت أدور عل البخت
مظلوم يل مالك بخت
وظليت كاعد عل التخت
تايه ودور صورتك بكل نحت
إنطيتك الماينطه وكتلي بعد
شنطي بعد
وجروحي تنده بلا ضمد
وانت الدوه وانت الضمد
عديت ايام الغرب
وتاليه تيهت العدد
لايوم لايومين صار سنين .. لك مالك نشد
كلبك صفه لغيري وعليه بدلت
لوتنشد التغير يل مالك وفه
كلي شجاك اتسودنت
بيمن اوصفك يل بعتني بهل الوكت
حاير أنه واتحيرت
مجنون وبحبك جنت
ليش غدرت
اتريد اذركرك خاف ناسي انت شكلت
مو آني نجمة ليل وقداح الصباح اتوصفت
وجنت كل الدنيا عندك
وانه كل شربة ميه انت شربت
وانه جنت الهوى الهاب بكل وكت
وتاليه للشمات تتركني وعله الضفه عفت
وأنت بحرت
وأنت إبعدت
وإنت خنت
متأكد آنه أنت خسرت
وترجع الي.. وتكلي آنه بطلت
آنه إندمت
سامحني هل المره وتبت
واللي توقعته حصل واتأكدت
وجابتك حسرت ليل وتاليه كلت
اللي تركتك من وراه وتغربت
كام وتركني وحيد ودموعي تكت
واتكلي بيه شورت
وارجوك انسه اللي مضه خادم اصيرلك عبد
واواعدك آخر وعد
ماراح اعوفك وابتعد
ولو متت كبلي احفر كليبي واصيرلك لحد
وكتن دموعي وياه.. وشهكه آنه شهكت
وبين ايديه اتوسدت
آخره لن آنه متت
آنه متت
آنه متت

#حيدر_صبي (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل