القلب الطيب ...

جمال الشربينى

الحوار المتمدن-العدد: 2622 - 2009 / 4 / 20 - 03:15
المحور: الادب والفن
    

قد إيه القلب كان طيب .. !
قلبى اللى دايما شايلك

انا مش باتعجب

ولا طالب إحسان ولا منّة
لكن من حقى اسأل

هو قلبى مش برضوا

كان طيب ؟

ليه يهون ولا تسألى عليه مرة !

يااااه

ده القلب الطيب

هيفضل طيب

يمكن اكون ما اتعلمتش

فى مدارس حب وما ذاكرتش

لكن بالفطرة

عرفت أحب

كنت خجول

وكنت جرئ

وكنت صريح

وكنت احمل لك
مع ضى الصبح
أجمل تفاريح
ورود وغرام
وحنين مشتاق
يقول لك :

انى بحبك
وعاشق دروب حبك
وفى مدارات كل الفضا
من نجوم وقمر وشموس وسما
تشهد على حب مليان صفا

يا حبيبة قلبى
يا غرام عمرى

لسه مكانك جوه القلب
مستنى رجوعك
مستنى شموعك

مستنى الهمسة الدافية

يا حبيبة عمرى :
لسه الغرام
ساكن قلبى
يناجى حبيبة عمرى

#جمال_الشربينى (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل