مونليزا فختاية الجنوب الثائرة

حسين جهيد الحافظ

الحوار المتمدن-العدد: 2215 - 2008 / 3 / 9 - 08:15
المحور: الادب والفن
    

مونليزا ...
... فختاية الجنوب الثائر ة
الى روح الشهيدة (أنسام )
مونليزا أمين منشد بمناسبة الثامن من آذار
عيد المرأة العالمي
حسين جهيد الحافظ
نجمة ليل متوسده الگمر
ومن ضوه الوجنات مرسومه الشمس
اِيد شالت بندقيه
واِيد شالت غصن زيتون وحمامه
واِنطت الوادم درس
الأمل بعيونهه الباچر عبر
ترست الدنيه ونس
اِمن الحزن .... جابت فرح
داست اِعله الموت والخطوه عرس
(( نگلة الخطوه ملاك ...
واثقه )) وهمة مناضل
خضرت گاع الجدم معمل وعامل
والسنابل من زلفهه
اِتباهت اِبشوگ السنابل
حضنت الفرحه محنه ...
... وغنت اِبحضن المناجل
چوبي وزفة عرس
شگ صده الضحكه الظلام
الصوت عالي الصوت .. .. ممنوع الهمس
اِنطت الدنيه درس
عطر دمهه زوگ الگاع وتباهت
طگ شدى القداح دنيه
رسم بالحب بندقيه
صار سرگيهه قصيده
ضمت اِبفرحه العراق
فاض بيهه الفرح حد الاِشتياق
خطوه .. .. خطوه
كبرت آمال الرفاق
طفح صبر المونليزا
نجمه حمره
سيرت لبعيد .. .. للدنيه الجديده
اِحروف اِسمهه بالوفه اِنكتبت فصيده
كل حرف منهن نشيد
وكل نشيد اِيطگ نشيده
أغنيه وسالوفه ترفه
بويه
وفرچه
وجريده
تضحيه
وحب
ووفه
دافيه اِبدفو العشگ
اِجويريد لو مرهه دفه
طرزت سفح الجبل حب وحنين
گطرة الدم خضرت بالحب محنه
ضمت القداح يحضن ياسمين
مونليزا ....
حلم فختاية جنوبعالجبل طگ جلنار
مهره أصيله
شگ رسنهه الليل واِتفتح نهار
واِنرسم دمهه سلام
خطت الطيبه شعار
ورده بيضه وورده حمره
جابت اِمن الظلمه گمره
شوگ فختايه وحلم شاعر
ومضه
وهمه
وخواطر
مونليزا والشهاده
طرزن گاع الوطن
حب وأماني
أحلام وآمال ومشاعر
للشعب خطن طريق
اِيغازل أجدام الترافه
عشگ يتنطر الباچر
دم مونليزا أنسام يكتب
ردب زاهي وأمل باچر
...... أمل باااااا چر

#حسين_جهيد_الحافظ (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل