الشذوذ الجنسى

نادية المفتى

الحوار المتمدن-العدد: 2081 - 2007 / 10 / 27 - 12:05
المحور: حقوق مثليي الجنس
    

ليه بيتسمى الشذوذ الجنسى؟ أوكيه، الوضع الطبيعى هوه أسرة ينتج عنها أطفال، الطبيعة كده، و لو إن فى رجالة و ستات مش بيخلفوا و بتبقى برضه إسمها أسرة، بس ال gays و ال lesbians إتخلقوا كده مش مرض و كلام فارغ زى ما بيحب المتشددين إنهم يصوروا لنفسهم أو ناتج عن إغتصاب و بس، مش فاهمة هما بيأذوا مين لما يختاروا ال sexual partner بتاعهم بأسلوب مختلف عن ال straights بيختاروا بيه، بدام مش بيفرضوا إختياراتهم بالقوة على حد إحنا مالنا. يعنى ال pride parades إللى بيعملوها بره دى ف رأيى مالهاش علاقة بالمثليى الجنسية "الطبيعيين" أصحاب الكاريرز، و كان لوحيد حامد ف "ديل السمكة" تصوير معقول للشخصية دى فيما عدا إن مش لازم عشان gay يكون بيعمل علاقات لدرجة إصطياد كشاف النور و هو على المستوى ده من الرقى ف الطباع و المستوى الإجتماعى إللى قدمه الممثل ف الشخصية، و كمان ف عمارة يعقوبيان كان رسم الشخصية لواحد بيصطاد عساكر الأمن المركزى، ممكن يكون ده بيحصل زى مافى straights من الجنسين بيعملوا كده بس مش ف كل الأحوال بالنسبة للكل، يعنى زى مش أى حد ستريت بيكون عايش للجنس و بس كمان الجاى، عندهم حب و إخلاص و مستوى إجتماعى زى الستريتس، الحاجة الوحيدة إللى ممكن تدفع البعض منهم للإنحراف هوه نظرة المجتمع و معاملته و تجريمه و مطاردته لهم، فى فيلم ماشفتوش بتاع هيلارى سوانك و كان أول فيلم شهرها و متهيألى خد أوسكار بس مش فاكره ف إيه و كان إسمه boys don t cry و متهيألى على قد ماأذكر من المقطتفات إن هيلارى سوانك كانت ليزبيان بس كان شكلها ولد خالص لإن هى كانت حاسة من جواها إنها ولد و كان لها علاقة مع بنت ف مزرعة و لما إكتشفوا إنها ليزبيان قتلوها، بره ألاحظ إن الفيلم إللى فيه ليزبيان أو جاى ياخد أوسكار زى بروك باك ماونتين بتاع هيث ليدجر و مونستر بتاع تشارليز ثيرون، ده بأه تحيز معاهم زى ما ف الشرق تحيز ضدهم، متهيألى إنها حاجة عادية و لازم نسيب أصحابها يعيشوا دون التدخل ف خصوصياتهم لدرجة إجبارهم على الإنحراف زى المتحول سيد إلى سالى إللى إمتهنت الرقص لفترة بعد طردها من كلية الطب و دلوقت شفت لها صورة حديثة ترتدى الحجاب و زى رواد الباخرة كوين إللى إتقبض عليهم و إتسجنوا عشان إللى كان عنده مستقبل منهم يضيع مستقبله و يتعلم الإنحراف بجد.

#نادية_المفتى (هاشتاغ)      

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات