إلى أطفالنا الشهداء

نادية المفتى

الحوار المتمدن-العدد: 2042 - 2007 / 9 / 18 - 10:08
المحور: الادب والفن
    

التار

سامعين؟
سامعينهم بيغنوا؟
لكن إزاى مش سامعين؟!
ده حتى أما بيعلا غناهم
بيدوى معاه صراخ و أنين
شايفين؟
شايفين إبتساماتهم؟
الإيد ف الإيد دايرن داير
ع الخضرة رايحين جايين
لكن إزاى مش شايفين؟!
دول حتى أما بتكتر لمتهم
الدم بيتفجر براكين
برضه مش شايفين و لا سامعين؟!
لسه مش عارفين دول مين؟!
دول أطفالنا العرب الشهدا
ف لبنان و عراق و فلسطين
دول كل الأطفال إللى إتظلموا
و كانوا ضحايا السفاحين
دول ننى عيون أهاليهم
إللى ف وسط النار صامدين
بينادوا إصحوا يا نايمين
يا أمة ما بقلهاش غير سيرة أسلافها
يا بشر ملايين على ملايين
قتلونا قدام عين أهالينا
و سابوهم ف عويل و صراخ
دايرين بيلملموا أشلائنا
دمنا بأه للعالم فرجة
و مجرد أخبار ف الجرانين
ع الأسر فتحنا عيوننا
و ف الأسر آدينا عايشين
و كان آخرة صبرنا ده قذيفة
يا خدتنا
يا شقينا بجراحها سنين
و مع كده ف إللى بيكبروا منا
كتير أبطال فدائيين
و لا يوم ممكن يستسلموا أبدا
رغما عن أنف الخاينين
خليهم يحرتوا ف البحر
مش ممكن يبيدونا الشياطين
ف الساعة حنزيد مليون
و برضه حنفضل عايشين
اما إنتوا يا غلابة يا مساكين
يا إللى لسكين الجزار محنيين
يا إللى بأه الشيطان الأعظم
بيفرجكم على عوراتكم
و حتى ف دى مش سائلين
يا حتصحوا و تاخدوا بتارنا من الخونة
يا التار بينا ليوم الدين

شعر نادية المفتى

#نادية_المفتى (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات