أخبار عامة - وكالة أنباء المرأة - اخبار الأدب والفن - وكالة أنباء اليسار - وكالة أنباء العلمانية - وكالة أنباء العمال - وكالة أنباء حقوق الإنسان - اخبار الرياضة - اخبار الاقتصاد - اخبار الطب والعلوم

الصفحة الرئيسية - دراسات وابحاث في التاريخ والتراث واللغات - محمود عبد الله - معلومة تهمك/تصحيح بسيط: دكتور ولا طبيب؟!















المزيد.....

معلومة تهمك/تصحيح بسيط: دكتور ولا طبيب؟!


محمود عبد الله

الحوار المتمدن-العدد: 6170 - 2019 / 3 / 12 - 20:46
المحور: دراسات وابحاث في التاريخ والتراث واللغات
    


معلومة تهمك/تصحيح بسيط: دكتور ولا طبيب؟!
بقلم د. محمود محمد سيد عبدالله - أستاذ المناهج وطرق تدريس اللغة الإنجليزية المساعد/المشارك (كلية التربية - جامعة أسيوط - مصر)

في خضم فوضى الألقاب إللي عايشين فيها، حابب أصحح مفهوم معين يتعلق بلقب "دكتور" Dr´-or-Doctor لأن ناس كتيييير بتستخدمه غلط (وفي غير محله).. لدرجة إن فيه طالب بياخد "دبلوم عامة" من تربية (علشان يعادلؤهله ويقدر يشتغل معلم) كان مفهم أهله إنه بقى"دكتور" خلاص لمجرد إن الكارنيه بتاعه مكتوب فيه "دراسات عليا"!! وفيه ناس من قرايبه وجيرانه بدأوا بالفعل يندهوله: "يا دكتور فلان"!! ونفس الشيء بيحصل كمان في الدبلوم الخاصة والماجستير.. مع إن الطالب لو staff في الجامعة، ممكن تبقى مبلوعة شوية على أساس إنه "نواة عضو هيئة تدريس" (جامعي).. يعني "دكتور المستقبل" وممكن يشجعه الموضوع ده فيشتغل. يشد حيله علشان يحصل على الدكتوراه، وبالتالي يحقق اللقب بشكل رسمي!!

المشكلة كمان إن (الطبيب) الصيدلي و(الطبيب) البيطري وغيره بيتقالهم "دكتور" برضه.. مع إن في إنجلترا مثلا - حسب ما شفت بعيني - مستحيل تلاقي الكلام ده خالص!! ولو قلت على الصيدلي pharmacist "دكتور" يستغرب وممكن يضحك عليك!! الدكتور عندهم حاجة من إتنين: (١) يا إما طبيب يشري physician وده بيتقال عليه Doctor (تجاوزا) لإنها - في اللغة الدارجة عندهم - الكلمة دي Dr أكثر استخداما من phycisian - إللي بتعتبر رسمية وعلمية أكتر.. يعني مش لازم يبقى حاصل على الدكتوراه - كدرجة علمية) والدليل على كده إننا (في مصر) - يمكن بسبب الإحتلال - عملنا نفس الحكاية من فترة قريبة (أخدنا النظام الإنجليزي) - خصوصا وإنه (الطبيب البشري) كان بيطلق عليه مسمى آخر قديم (وهو حكيم)!! (٢) أو - في الحالة التانية - يكون حاصل على "الدكتوراه" (كدرجة علمية) يسبقها ماجستير ودبلومات دراسات عليا وليسانس (للتخصصات الأدبية) BA أو MPhil (مسمى إنجليزي) أو بكالوريوسBSc (للتخصصات العلمية)..

ده من خلال خبرتي الشخصية وقراءاتي المتواضعة عن أصل الموضوع إيه.. خصوصا، بعد ما طبيبة (بشرية) نشرت على إحدى الجروبات العلمية َالجامعية منشور مفاده إن الدكتور البشري هو الأصل وده مسمى خاص بيه هو بس ما ينفعش حد بزاحمه عليه - حتى ولو كان أستاذ جامعي"!!! ده خلاني استغرب جدا جدا.. أي نعم دراسة الطب صعبة وثقيلة ومشوارها طويل قوي ولازم يتقدر خريج كلية الطب لإنه كان متفوق من يومه وجايب أعلى مجموع (في الثانوية العامة).. والطب فعلا (في العالم كله) من المجالات القديرة prestigious علميا وإجتماعيا، بس مش معنى كده إن واحدة (بنت إمبارح) تغلط في موضوع زي ده معروف جدا (عالميا) في جميع الأوسط العلمية والأكاديمية والجامعية!!! وتفتي فتوة (غريبة) غير موضوعية ومنحازة biased وبعيدة عن الواقع ولا أساس له من الصحة.. بل ربما العكس هو الصحيح!!! طيب إيه أصل الموضوع؟؟

زماااااااان قوي - من قرون عديدة مضت - أيام عصر النهضة يمكن Renaissance (العصر الذهبي في العلوم المعارف والآداب... إلخ)، كان فيه - حسب ما فهمت - نوعين (أساسيين) من العلوم البشرية: (١) الفلسفة Philosophy (ودي تقريبا كانت تشمل كل العلوم الإنسانية والآداب - قبل ما تتفرع لكل المجالات الموجودة حاليا - من أدب ولغات وعلم نفس وإجتماع وتربية وقانون وخدمة إجتماعية ودراسات أنثروبولوجية وطبعا فلسفة ومنطق، إلخ).. وظهرت الدرجات العلمية (المتدرجة) في المجال ده - أعلاها "دكتوراه الفلسفة" Doctor of Philosophy إللي بنختصرها إلى PhD - وكلنا في مجال التربية مثلا واخدينها بالمسمى ده لأن التربية (كأحد العلوم الإجتماعية) تنتمي إلى فئة أعلى (هي العلوم الإنسانية) إللي ترجع في النهاية لجذرها الأصلي إللي طالعة منه (الفلسفة)..

النوع التاني من العلوم البشرية هو (٢) العلوم Science أو - بمعنى أدق وأخص (العلوم المادية) أو (العلوم الحسية) أو العلوم الفيزيقية Physical Sciences - وفقا لما درست في مادة أو موديول من موديولات البحث التربوي قبيل إجراء بحث الدكتوراه في جامعة Exeter الإنجليزية.. علشان كده كانت معظم كتب مناهج البحث الكتييييير إللي قريتها كأحد متطلبات المقررات (الموديلات) دي كانت - مش لازم يبقى اسمها البحث التربوي Educational Research - ممكن يبقى عنوانها مثلا
Research in Social sciences
Foundations of Social Research
Research in Humanities
وهكذا.. القصد يعني، لما تكون دكتوراه (في العلوم) المسمى بيتغير من PhD إلى DSc إللي هي اختصار Doctor of Science وإللي عاوز يتأكد من كلامي، الإنترنت موجودة دور براحتك وشوف كويس.. والشاهد على كلامي عنوان مسرحية درسناها زمان في شعبة إنجليزي.. مسرحية قديمة جدا بس أكثر من راااااااائعة (لا تقل في روعتها عن مسرحيات شكسبير) لكاتب كان معاصر ليه اسمه Christopher Marlowe (في القرن السادس أو السابع عشر) عنوانها Doctor Faustus.. عن واحد حاصل على الدكتوراه أغواه الشيطان فباع له روحه في مقابل إنه يحققله كل رغباته وأمنياته وأحلامه (أيا كانت) لمده ٢٠ سنة!! المسرحية (الرائعة) دي من أشهر الأعمال إللي خلدها التاريخ وخلدت اسم كاتبها ده (إللي ما كتبش كتير غيرها لأنه إختفى في ظروف غامضة - حسب ما فهمت من أحد الزملاء في التخصص إللي قالي إن شكسبير - كما أشيع - خطفه واحتكره لنفسه علشان يكتبله هو بس وينشر باسمه وقاللي إن الدليل على كده إن أسلوب Marlowe مقارب جدا لأسلوب Shakespeare.. عموما الروايات كتييييير لدرجة إن فاكر في مرة أستاذتي أ.د فردوس عبدالحميد - أستاذ الأدب الإنجليزي بآداب أسيوط - كانت تقولنا زمان إن بعض النقاد بيزعموا إن شكسبير نفسه أصله عربي وإن الاسم ده تحريف لاسمه العربي الأصلي "الشيخ زبير"!! والدليل على كده إن مفيش حد تاني في التاريخ الأدبي أو السياسي أو الإجتماعي في إنجلترا ليه نفس الاسم)..

المهم، المسرحية الرائعة دي اترجمت لكل لغات العالم (تقريبا) وفي مصر مثلا عندنا كذا عمل اقتبس منها زي مثلا فيلم قديم (من كلاسبكيات السينما المصرية) ليوسف هبي اسمه (سفير جهنم).. وفيلم تاني سبعيناتي (نادر) اسمه (المرأة التي غلبت الشيطان).. و مؤخرا مسلسل جميل ليحيى الفخراني (ونوس).. المهم فيه فرق شاسع بين دكتور وطبيب... والأصل في "دكتور" الدرجة العلمية مش المجال الدراسي (طب ولا صيدلة).. وإنه لقب (أكاديمي) كان نادر إللي يحصل عليه من قرون عديدة مضت..
خالص تحياتي





كيف تدعم-ين الحوار المتمدن واليسار والعلمانية على الانترنت؟



رأيكم مهم للجميع - شارك في الحوار والتعليق على الموضوع
للاطلاع وإضافة التعليقات من خلال الموقع نرجو النقر على - تعليقات الحوار المتمدن -
تعليقات الفيسبوك () تعليقات الحوار المتمدن (0)

الكاتب-ة لايسمح بالتعليق على هذا الموضوع


| نسخة  قابلة  للطباعة | ارسل هذا الموضوع الى صديق | حفظ - ورد
| حفظ | بحث | إضافة إلى المفضلة | للاتصال بالكاتب-ة
    عدد الموضوعات  المقروءة في الموقع  الى الان : 3,562,627,515
- عبير الذكريات!
- لحظة صدق: من أنا؟!
- خواطر شتوية: وماذا بعد يا قلب؟؟
- نكبر.. فتعلمنا الحياة أن...
- همسة شتوية: خواطر وتأملات!
- شكرا ٢٠١٨..فقد علمتيني أن:
- خواطر شتوية: النسبية - -أنا- يتوقف على -أنت-!!
- -يا حمام-..محمد منير: تحياتي لمن غزل الحلم المصري بكلماته وأ ...
- التمسوا الخير في القلوب.. ولا تتشددوا!
- همسات وخواطر شتوية
- خاطرة ليلية..الخطاب الأخير!!
- خواطر شتوية
- همسة اليوم: التافه..
- أخطاء قاتلة في الحياة المهنية بالجامعة! (واقع فعلي)
- هنا يكمن الفرق!
- معلومة تهمك: البارانويا (جنون الإرتياب|الإضطهاد|العظمة) Para ...
- ‫الرجل و المرأة... وأزمة اضطراب الهوية!
- التغطية الإعلامية ومشكلة الإعلام لدينا..
- المشهد الأخير من -كفر دلهاب- وعبقرية الأداء: مشهد فلسفي|نفسي ...
- سوء الخاتمة وآيات العذاب (قصة من التراث)


المزيد.....




- أعمال شغب وهتافات تطالب برحيل الحكومة في بيروت بعد خطاب الحر ...
- نيران وشغب في أعقاب خطاب الحريري بوسط بيروت
- دبلوماسيون بريطانيون يزورون مواطنهم المتهم بالتجسس في روسيا ...
- "جول لابز" تقرر تعليق بيع سجائر إلكترونية بعد تسجي ...
- "جول لابز" تقرر تعليق بيع سجائر إلكترونية بعد تسجي ...
- تواصل الاحتجاجات ببرشلونة وإلغاء رحلات وقطع طرق تؤدي لفرنسا ...
- -سامسونغ- تطلق تحديثا لعلاج ثغرة خطيرة في هواتف -غلاكسي-
- رفع العلم السوري عند نقطة التفتيش الحدودية مع تركيا في عين ا ...
- بعد إلغاء حفلها في المملكة... نيكي ميناج تتغزل في السعوديين ...
- البنتاغون: القوات الأمريكية لن تشارك في إقامة المنطقة الآمنة ...


المزيد.....

- نقد الاقتصاد السياسي، الطبعة السادسة / محمد عادل زكى
- التاريخ المقارن / محسن ريري
- ملكيه الأرض فى القرن الثامن عشر على ضوء مشاهدات علماء الحملة ... / سعيد العليمى
- إملشيل، الذاكرة الجماعية / باسو وجبور، لحسن ايت الفقيه
- أوراق في الاستشراق / عبد الكريم بولعيون
- إشكالية الخطاب وأبعاده التداولية في التراث العربي واللسانيات ... / زهير عزيز
- سلسلة وثائق من الشرق الادنى القديم(1): القوائم الملكية والتا ... / د. اسامة عدنان يحيى
- التجذر بدل الاقتلاع عند سيمون فايل / زهير الخويلدي
- كتاب الدولة السودانية : النشأة والخصائص / تاج السر عثمان
- العقل الفلسفي بين التكوين والبنية / زهير الخويلدي


المزيد.....
الصفحة الرئيسية - دراسات وابحاث في التاريخ والتراث واللغات - محمود عبد الله - معلومة تهمك/تصحيح بسيط: دكتور ولا طبيب؟!