الحب حلو مثل العسل

ميسون نعيم الرومي

الحوار المتمدن-العدد: 5880 - 2018 / 5 / 22 - 15:34
المحور: الادب والفن
    

الحب حلو مثل العسل
ميسون نعيم الرومي

الحب حلو مثل العسل
جرحه صعب ما يندمل
يحرگ حرگ لهفه اوأمل
ايطول العمر سهره عذب
سحره دوه يمحي الذنب
ايمر ابعجل مثل السهم
للجنه مفتاحه رهم
عايل تره الگايل وهم
وآنه ارد اسرك يا شهم!
الحب تره .. يبقه وهم
***
الحب عشگ.. يعني غرام
فرحة گلب وجد اوهيام
حالم يظل كل العمر
نومه صعب خاوه الگمر
نار اولهب وسط الگلب
جمره حلو كلش عذب
ايصيب الگلب مثل السهم
ليله صعب يحسب نجم
بس ابصراحه يا شهم..
الحب صدگ .. يبقه وهم
***
عيون المحب تلمع لمع
تكتب نثر تنظم شعر
ذايب ليحب مثل الشمع
سارح تره كل العمر
دمعه اوتهل دمعة فرح
لو صاحو اسمك يا ترف
والگلب .. گيتار اوعزف
يركض ركض گبل الجدم
لو لمح حبه مبتسم
اشما يكتب .. ابكيفه القلم..
الحب يول .. يبقه وهم..
يبقه وهم
-------------------------------
آيار/ 2018
ســـــــــتوكهولم

#ميسون_نعيم_الرومي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات