مرتضى محمد
(Murtadha Mohammed)
الحوار المتمدن-العدد: 5314 - 2016 / 10 / 15 - 23:33
المحور:
الادب والفن
أنه أدري بأصابيعك برد شفاف ..
يمتد بزوايا الروح من يعطش فرحهه ،
وأنه أدري الروح موسيقى ..
ما يلمهه كتاب ويسولفهه " أحد " .. ،
وأنه ادري الدنيا من يدث مطرهه ..
مو مطر !
هاي دموع روحك سمعت بغنوة جميلة ..
تسولفت يم راك شجرة ، وصوت خل ...
وراحت بعيد بعيد السوالف ....
استورحت شوفة خيالك ..
بلايه دكة "جبل" امن ، ولا "بحر" مشكوك راسه .
يا مدري شنهي أنته ، وشنهي اليلمك ...
ما يلمك ذاك المغشيه لغزه .. وسورب بــــــ " غوص الفِطَنْ" ...
بس ..
بس لمتك نجمه بعين عاشك ..,
وأيييييه طلعت بشوغة نفس ،
ظمت حزنه وما حجت ...
أيييييييه ....
أشكد أشك ، وأشكد أدور ....
وما دريت الفيض كطرة .. لملمت حجيك وروحي ..
مــــــــــــــــــــــــــا دريت .
/////////////////////////
ميسكولك / هنغاريا /2016
#مرتضى_محمد (هاشتاغ)
Murtadha_Mohammed#
كيف تدعم-ين الحوار المتمدن واليسار والعلمانية
على الانترنت؟