انا وصديقي - عضمة زرقا -

محمد رجب التركي

الحوار المتمدن-العدد: 4783 - 2015 / 4 / 21 - 08:05
المحور: كتابات ساخرة
    

جلست انا وصديقي " كيمو " المسيحي " عضمة زرقا " علي شاطئ البحر في احدي الليالي القمرية نتأمل النجوم وهذا الكون الممتد اللانهائي وقلت لة :
- بقو لك اية يا " كيمو " ؟ احنا عندنا في الاسلام في الحياة الاخرة فية الجنة زي حديقة كبيرة مليانة بأنواع الفواكه واللحوم والطيور و الخمر والعسل وكل ما لذ وطاب من الطعام والشراب، وكل واحد عندة 60 من الحور العين و " قضيب لايلين وشهوة لاتنتهي " .......قوللي انتم في المسيحية عندكم اية في الحياة الاخرة ؟
- في الحقيقة اللي اا اعرفة ان معندناش حكاية الجنة والنار زي المسلمين ..بيقولوا ان احنا عندنا الحياة الابدية بجوار الرب.
- يعني اية مش فاهم ؟!
- عندنا انجيل يوحنا بيقول " الحق الحق اقول لكم ان من يسمع كلامي ( اللي هو المسيح ) ويؤمن بالذي ارسلني فله حياة ابدية ولا يأتي الى دينونة بل قد انتقل من الموت الى الحياة
- ياعم وضحلي الكلام بالبلدي كدة
- يعني فية حياة ابدية والناس تقعد بجوار الرب
- يقعدوا بجوار الرب يعملوا اية ؟
- يقولوا " يا قدوس يا قدوس "
- يعني مفيش مالذ وطاب من الاكل والشرب و ما تشتهي الانفس زي عندنا
- لا ..مفيش ياخويا
- ومفيش حور عين ؟!
- لا مفيش يا خويا لا حور عين ولا حور رجلين ولا كلام من دة خالص
- طيب ودة كلام برضو يا خويا يا " كيمو " وهو فية جنة من غير حريم ؟ دي الجنة من غير حريم تبقي جهنم ..تخيل كدة لو الدنيا دي مفيهاش حريم !!! لاهتحلق دقنك ولا هتلبس كويس ولا هتهتم بشكلك او مظهرك ..تخيل الحياة كلها ذكور ..دي متبقاش حياة ابدا ...دي تبقي جهنم ..
- انا عارف يا اخي .... تقول اية بقي عندنا كدة مفيش غير يا قدوس ياقدوس ؟؟
- لالالا ...بقولك اية يا " كيمو " ؟
- اية ؟
- ماتيجي تدخل عندنا في الاسلام عشان تدخل الجنة ..وتستمتع بقي بما لذ وطاب من الاكل والفواكة والخمور اللي احسن مليون مرة من الويسكي والشمبانيا والريكار ..والحوريات اللي ماتشبعش منهم
- طيب اعمل اية يعني عشان ادخل الجنة دي ؟
- تقول الشهادة
- يعني اقول اية ؟
- تقول " لا الة الا اللة محمد رسول اللة "
- ماشي ياعم " لا الة الا الة محمد رسول اللة " ..خلاص كدة بقيت مسلم ؟
- لالا ..لسة حاجة كمان
- اية تاني
- تعمل الطهارة
- يعني اية ؟
- تتطاهر يا " كيمو "
- ازاي ياجدع انت اتطاهر وانا كبير كدة ؟؟
- ههههه ..بسيطة يا " كيمو " ...شوية بنج مخدر ويقطعولك حتة صغيرة من " البلبل "..مفيش مشكلة خالص .
- ماشي ياسيدي ...وبعد مااعمل الطهارة خلاص كدة بقيت مسلم ؟
- لسة شوية حاجات بسيطة
- زي اية ؟
- تصلي
- ماشي ..ما انا اصلا بصلي..خلاص كدة ادخل الجنة ؟
- لسة حاجة كمان ...تروح تحج بيت اللة
- يا رجل
- ايوة يا " كيمو " اعتبرها فسحة يا خي ..سياحة ياسيدي..وتشوف بلاد مشفتهاش قبل كدة .
- ماشي ياخويا رحت الحج ..ورجعت الحاج " كيمو " خلاص ؟ كفاية بقي كدة .
- لسة حاجة واحدة ...الزكاة من الفلوس المتلتلة اللي عندك في البنوك نسبة تقريبا 2.5% .انا مش متأكد كام في المائة بس هي نسبة
- لا بقي دي فلوسي وانا شقيان فيها ..اتبرع بمزاجي
- مفيش حجة اسمها اتبرع بمزاجي ..دة فرض
- لا خلاص ..مش عايز
- مش عايز اية يا " كيمو" ؟
- مش عايز ابقي مسلم ..انا حر يا اخي
- لالالا يا " كيمو" ...انت كدة بتعرض نفسك لمشكلة كبيرة اوي وفيها دم
- يعني اية ؟ مشكلة وفيها دم ؟ يا اخي انا رجعت في كلامي ومش عايز الجنة بتاعتكم ؟
- انت ناسي انك قلت الشهادة ..يعني اصبحت مسلم ...وطالما اصبحت مسلم وعايز ترجع للمسيحية .فأنت مرتد ويطبق عليك الحد بتقطع رقبتك
- دةانتم صحيح ناس مفتريين ..يعني اللي اللي يحب يدخل عندكم تقطعوا لة " حمامتة " والي يجب يخرج من عندكم تقطعوا لة " رقبتة "

#محمد_رجب_التركي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات