أخبار عامة - وكالة أنباء المرأة - اخبار الأدب والفن - وكالة أنباء اليسار - وكالة أنباء العلمانية - وكالة أنباء العمال - وكالة أنباء حقوق الإنسان - اخبار الرياضة - اخبار الاقتصاد - اخبار الطب والعلوم

الصفحة الرئيسية - كتابات ساخرة - حيدر الطائي - الفن التشكيلي














المزيد.....

الفن التشكيلي


حيدر الطائي

الحوار المتمدن-العدد: 4647 - 2014 / 11 / 29 - 10:47
المحور: كتابات ساخرة
    


ذولة الغربيين تفكيرهم مختلف ...جتني دعوة من قبل فنانيين تشكيلين يحاولون ان يستلهمون افكار الناس العاديين وجعلها منطلق لرسومهم…
وينمون المواهب الموجودة بهذا المجال ..هذا الي فهمتة من الدعوة الي جتي ..واني حديقة قررت اروح لان اني اصملة عليكم احب هاي السوالف من چنت صغير خوش ارسم وخاصة من ارسم منضر طبيعي الشمس والكوخ والمي…
وچنت اخذ كلهة عشرات بالرسم..
واشتري اصباغ باستيل مرات ومائية واصباغ زيتية هسة يسموها اكرلك بس هاي الزيتية جنت اكثر شي اصبغ هدومي بيها وانترس نفط من اخففها ..
لا وحتى بالقلم هذا ابو اربع الوان هم ارسم بس الهام الرسم ما يجيني بس بالدروس العلمية يعني من يشرح المدرس اني ارسم صاحبي الاجكم الي گبالي لو ارسم الكبد لو ارسم عيون ودائما يطلعن مال واحد احول مع العلم جنت هواية اتابع برنامج المرسم الصغير ..لكن اكثر مرة رسمت وگالولي حلو عاشت ايدك رسمت خشم استاذ محسن الله يرحمة جان عندة خشم ما يتعب دويرة جبيرة وبيها نقطتين ..
المهم نكرت سلف بالبايسكل وگاشخ كل قوتي ..
وصلنا للمكان واذ بالفنانيين موفريلنا لوحات بقياسات متعددة وانواع مختلفة من الالوان والحضور كبير حدايق هواية مثلي بس امهات السحورة اكثر من الزلم واني تعرفوني شوية گلبي رجيج ..
وبلشو يشرحولنا ويوضحولنا عدة نقاط..
بس اني شنو اكو وحدة مقابيلي مو طبيعية من جماعة العرق الاصفر اسيوية يعني يابان صين فيتنام عيون دگم والشعر حرير والخشم والحلك عبالك مسقول …
واهسي صار يمها وهي كلساع تندار وتتمضحك ..اني التهيت بيها ..وطارت كل الافكار من دماغي جنت جاي حامي من شفتها بردت ..
بلشنا نرسم واني طبت بدماغي بس هي گاعدة ترسم ..ما طولت خبر رحت يمها وسالتها هاي شنو راسمة وكامت تشرحلي .. البؤرة البصرية والانعكاس التكويني واني مركز بس الله وكيلكم هنة خطين واحد اصفر واحد ازرك و شخابيط هي تشرح واني اكلها بالعربي يا كذابة ..
وتشرح حطت ايدها بنص الخط الاصفر وگالت هذا مصدر القوة الذي يمد الفرس الذي يكسر القيد ويحطم الاغلال من اجل ان ينقذ الملك .. طبعا فرس ماكو لا وحتى اذان فرس ماكو ..واني اگلها ياچذابة.
سوتها مسلسل…
المهم همة اعطونا وقت ساعة ونص نكمل الاعمال .. شو المشرفة گالت باقي خمس دقايق حاولو تنهون الاعمال ..
زين اني بعدني الاصباغ ما فاتحهن وخالطهن رجعت لمكاني وفتحت اللون الاسود وخلطت شوية ومسكت الفرشة ..
اني ترتيبي الثاني بالتسلسل .. شو هاي الفنانة وصلت يم الاول وسالتة عن لوحتة وهو يشرحلها واني ملتهي بصخام الوجه .. اريد احضرلي عذر مرتب ..
مثل واحد غايب من امتحان الاحياء وهو ماخذ صفر باليومي ..
المهم كملت وصلت اليمي ..
اني لحگت احط نقطة بنص اللوحة البيضة سالتني ليش ما راسم شي طبعا الكل انتبه علية… !
گتلها لا رسمت ..!
گالت شنو رسمت ما جاي اشوف شي ..!
گتلها ركزي تشوفين هاي النقطة بالنص ؟
گالت اي ..!
كتلها هاي فيل ..!
گالت فيل ..؟
كتلها اي الله وكيلك فيل بس بعييييد كولش
هس يجي وتشوفيه
شو هاي كالت واو ..وتهز بيدها الكافرة
حيدر الطائي





رأيكم مهم للجميع - شارك في الحوار والتعليق على الموضوع
للاطلاع وإضافة التعليقات من خلال الموقع نرجو النقر على - تعليقات الحوار المتمدن -
تعليقات الفيسبوك () تعليقات الحوار المتمدن (0)


| نسخة  قابلة  للطباعة | ارسل هذا الموضوع الى صديق | حفظ - ورد
| حفظ | بحث | إضافة إلى المفضلة | للاتصال بالكاتب-ة
    عدد الموضوعات  المقروءة في الموقع  الى الان : 3,273,849,224
- علاج النواب وموت الرعية
- بائع الغاز
- القناعة المفقودة
- الرياضة في الغرب
- الموازنه العراقيه بين بطن الدجاجه وحلك ابو علي
- انتخابات مجالس المحافضات ......في بلاد ماوراء الموزمبيق العر ...
- كنز القناعة المفقود في وطننا العربي


المزيد.....




- المؤتمر الإنتخابي لإتحاد الأدباء تطلعات وآمال – احمد جبار غر ...
- وصفها هيروديت قبل ألفي عام.. أخيرا انكشف سر -باريس- الفرعوني ...
- زقورة أور.. أقدم أهرام بلاد الرافدين المليئة بالأسرار
- هل تحضر -الخوذ البيضاء- لمسرحية جديدة في سوريا
- بين برلمانييه المتمردين وضغط أخنوش.. ساجد في ورطة
- بوريطة يدعو إلى تجاوز النقاشات -العقيمة والمنفصلة عن الواقع- ...
- رئيس مهرجان الأقصر: السينما الأفريقية عالمية لكنها بحاجة للد ...
- المفكّر السيد ياسين
- مهرجان -بابل للثقافات العالمية- بشعار -كلنا بابليّون- في دور ...
- العثماني : لا تراجع عن التوظيف الجهوي


المزيد.....

- سَلَامُ ليَـــــالِيك / مزوار محمد سعيد
- سور الأزبكية : مقامة أدبية / ماجد هاشم كيلاني
- مقامات الكيلاني / ماجد هاشم كيلاني
- االمجد للأرانب : إشارات الإغراء بالثقافة العربية والإرهاب / سامي عبدالعال
- تخاريف / أيمن زهري
- البنطلون لأ / خالد ابوعليو
- مشاركة المرأة العراقية في سوق العمل / نبيل جعفر عبد الرضا و مروة عبد الرحيم
- التكوين المغترب الفاشل / فري دوم ايزابل
- رواية ساخرة عن التأقبط في مصر بعنوان - البابا / الصحفي الراحل في جريدة البديل اليسارية المصرية/ محمد ربيع
- رواية ساخرة عن التأسلم بعنوان - ناس أسمهان عزيز السريين / الصحفي الراحل في جريدة البديل اليسارية المصرية/ محمد ربيع


المزيد.....
الصفحة الرئيسية - كتابات ساخرة - حيدر الطائي - الفن التشكيلي