(( ..... راجع انا وشايل كفنى ..... ))

هانى صموئيل

الحوار المتمدن-العدد: 4319 - 2013 / 12 / 28 - 10:24
المحور: الادب والفن
    

(( ..... راجع انا وشايل كفنى ..... ))

.. راجع انا وشايل كفنى ..
.. وتشهد عليا السما والارض ..
..... غلطان وعارف بذنبى وغلطى !!
..... الغلط راكبنى (( من فكرى لعملى !! ))
..... وماليش حق اتكلم . ومعدش ليا حق !
.....
.. راجع انا وشايل كفنى ..
.. وتشهد عليا السما والارض ..
..... ولو تسمحلى اقولك اللى ف نفسى
..... ابقى عبد ليك ؟؟ ممكن تقبلنى
..... انا وبجد , مستهلش كلمة ابنى .
.....
.. راجع انا وشايل كفنى ..
.. وتشهد عليا السما والارض ..
..... بصراحة , عايز اتكلم , افضفض واحكى
..... انا فيا حاجات انكسرت بايدى
..... وحاجات ياما ماتت غصب عنى
.....
.. راجع انا وشايل كفنى ..
.. وتشهد عليا السما والارض ..
..... المى شديد , مانت عارف تقل حملى
..... ووصلك صورتى , ضهرى بقى محنى
..... ياترى خلاص ؟؟!! , ولا ممكن فرصة تانى ؟!
.....
.. راجع انا وشايل كفنى ..
.. وتشهد عليا السما والارض ..
..... وشى منك فى الارض , ولا قادر ارفع عينى
..... تعبان انا , ولا فى غيرك يقبلنى
..... وقداااام الكل , بقدم كفنى , تقبلنى ؟؟ !!
م/هانى صموئيل
Eng.hany samouel
..........................
..........................
(( لوقا 15 : 11 _ 32 ))
" ....... أقوم وأذهب الى أبى وأقول ليه: يا أبى أخطأت الى السماء وقدامك , ولست مستحقا بعد أن أدعى لك ابنا . اجعلنى كأحد أجراك .......... "

#هانى_صموئيل (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات