ايمي صليب
الحوار المتمدن-العدد: 4256 - 2013 / 10 / 25 - 00:40
المحور:
الادب والفن
من يوم ما روحتي ومشيتي
و فجأة سيبتيني
بقت مشاعري رايحة ليكي
يا تري فاكراني واللا نسياني
هتجنن عليكي ..
لا بتيجي ولا بتسألي
ولا عارف الاقيكي
بقيت مجنون بيكي !!
تصدقي انك
فـ كل لحظة علي بالي
ودايما شايفك قدامي
مش قادر انسي همسك
ولا ضحكة عنيكي
بس مين يطمن عليكي
عايز اناديكي
واقولك وحشاني
كل لحظة مستنيكي
كل ما اقابل حد
عايز احكيله عنك
واوصف واوصف فيكي
يمكن مجنون بيكي !!
ياتري هاشوفك تاني
و ألمس ايديكي ؟
نفسي أقابلك حتي صدفة
وهتعرفي ساعتها
اني عمري ما نسيتك
خلاص مبقتش عارف ايه جرالي
يمكن كنتي رسمة ف خيالي ؟!
ولا شفتك في الحقيقة ؟!
اللي اعرفه وبس ..
اني بقيت مجنون بيكي !!
emiiiii
#ايمي_صليب (هاشتاغ)
كيف تدعم-ين الحوار المتمدن واليسار والعلمانية
على الانترنت؟