الحقيقة فى سطور ( 7 )

بطرس رشدى جندى

الحوار المتمدن-العدد: 4212 - 2013 / 9 / 11 - 00:26
المحور: كتابات ساخرة
    

- عزيزي الناشط اللى مش بتستحمى ... لو كان الجيش لم ينحاز لإرادة الشعب في 30 يونيو ... كان حصلت حرب اهلية ومات عدد كبير من المصريين .
عزيزي الناشط اللى مش بتستحمى ... لازم تفهم , أو حتي عنك ما فهمت إن حضرتك مقدمتش حاجة للثورة ولا لمصر غير إنك عصرت لمون وإنتخبت الإخوان و لبستنا في الحيط ومقدمتش اي حلول ... انت قدمت لينا العار وبس .. يبقى بلاش تخون الناس وتشتمهم وتقول عليهم لاحسي بيادة يا فاشل .

- فيه ناس بتعمل فى صمت وبتضحى بروحها علشان مصر وناس عاملين نفسهم نشطاء وحقوقيين يتنقلوا بين القنوات والواحد فيهم عامل نفسه ثورى ويقول مصالحة واحتواء ولا لعدم الاقصاء وفى الاخر يخنق اللى خلفونا ويهاجم الجيش ... ولو سمع طلقة رصاص واحدة هيعملها على نفسه .

- مطلوب من الدوله انها تعلن جماعه الاخوان تنظيم ارهابى ... مطلوب من الدوله تصدر قرار بحل كل جمعيه يتوفر فيها شروط 3 : ( تابعه لتنظيم دولى ... مسلحه ... بتاخد تمويل ) ... وبناء عليه مفيش حاجه اسمها اخوانجى يعمل مظاهره ... مفيش حاجه اسمها اجتماعات للاخوان ... مفيش حاجه اسمها مقرات للاخوان ... الاخوانجى لا يؤمن بالوطن ... الاخوانجى مشروع ارهابى ... الارهاب وعدم الايمان بالوطن مش وجهه نظر عشان احترمه .


- اهري وهرتل و إفتي وخلي لسانك زفر واشتم فى الجيش والشرطة ..امشي بمبدأ "خالف تعرف".. هتبقى ناشط قد الدنيا وهيتعملك صفحات .. الحرية للزفت اللى مش بيستحمى .. والجزيرة هتعتبرك شهيد حتى وان كنت عايش .

- كل ما اقرا خبر التحقيق مع ناشط او اى سياسى شارك فى يناير .. الاقى الثوار يقولوا ( ازاى الامن يقبض على ناشط زميلنا .. الراجل شارك فى يناير وفوق القانون وما يتقبضش عليه ... اى ناشط زميلنا خط احمر والقبض عليه يساوى رجوع نظام مبارك ) .. نفس الاسطوانة اللى بتتقال كل مرة وكأنهم فوق القانون وكل هذا لانهم شاركوا فى ثورة يناير .

- تلاقي الواد منهم قاعد ليل نهار يكتب ( عمري ما هسامح الداخليه ) ... (عمرى ما هسامح العسكر ) ... ( عمري ما هسامح الفلول ) ... وبعدين اول ما يسمع اسم ( اخوان) ... قلبه يدق ويدمع ويكتب : لا لاقصاء الاخوان ... انهم فصيل وطني

#بطرس_رشدى_جندى (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات